ವೊರ್ಲಾ ಪೋಂತ್.

ವೊರ್ಲಾ ಪೋಂತ್. ಕಾಪ್ಡಾಂ ಆಮ್ಚಿಂ ಬಾಯ್ಲಾಂ ತವೊಳ್ ನ್ಹೆಸ್ತಾಲಿಂ. ಕಾಪ್ಡಾಂ ಸಗ್ಳೆಂ ಆಂಗ್ ತವೊಳ್ ಧಾಂಪ್ತಾಲಿಂ. ಕಾಪ್ಡಾ ವೊರ್ಲಾಂ, ಮಾತೆಂ, ಹರ್ದೆಂ ಮಾನ್ ಲಿಪೊಯ್ತಾಲಿಂ. ಆತಾಂ ಕಾಪ್ಡಾಂ 40 ಲಾಕಾಚಿಂ ಜಾಲ್ಯಾಂತ್. ಆಂಗ್ ಧಾಂಪ್ಚೆಂ ಸೊಡ್, ಪೋಟ್ ಸಯ್ತ್ ಧಾಂಪಿನಾಂತ್, ಬೊಂಬ್ಲಿ ದಾಕೊನ್ ಲೊಕಾಕ್ ತಾಂಚೆ ಕುಶಿಕ್ ವೊಡುಂಕ್ ವಾಟ್ ದಿತಾತ್. ವೊರ್ಲಾಂ ಆತಾಂ ಲ್ಹಾನ್ಶಿ ಸಾರೊಣ್ ಜಾಲ್ಯಾ ಖಂಯ್ ಗೆಲ್ಯಾರೀ ಸಗ್ಳೆಂ ಆಂಗಾಣ್ ಝಾಡುಂಕ್ ಕುಮೊಕ್ ಜಾಲ್ಯಾ ನೊವಿಂ ಫೆಶನಾ ಮ್ಹುಣ್ ಬಾಯ್ಲೊ ಹೆಂ ಸಗ್ಳೆಂ ಆಪ್ಣಾವ್ಕ್ ಲಾಗ್ಲಾ. ತುಜೆಂ ವೊರ್ಲಾ ಪೋಂತ್ ಬಾಯೆ ತುಕಾ ಸೊಭೊಯ್ತಾ. ಮಾಕಾಂ ತುಜಾ ಸೊಬೀತ್ ಕುಡಿಚೊ ಉಡಾಸ್ ಹಾಡಯ್ತಾ. ಕೂಡ್ ತುಜಿ ಸಗ್ಳಿ ಧಾಂಪೊನ್ ತುಕಾ ತಿ ನೆಟಯ್ತಾ ಪೊಯ್ಲೆಂ ತುಜಾ ವೊರ್ಲಾ ಪೊಂತಾಂತ್ ಲಿಪೊಂಕ್ ಜಾತಾಲೆಂ. ಸೊಭಾಯ್ ತುಜಿ ಸದಾಂ ಪೋಳೊಂಕ್ ದಿತಾಲೆಂ. ತೆ ಸೊಬೀತ್ ವೊರ್ಲಾ ಪೋಂತಾಚೆ ಬಾಯೆ ದೀಸ್ ಖಂಯ್ ಗೆಲೆ? ಬಾಪ್ ಜುಜೆ ವಾಸ್ ಎಸ್.ವಿ.ಡಿ. ಇಂದೊರ್ ಮ.ಪ್ರ. 26-09-12