ಧಾಂವ್ಡಾಂವ್ಚೊ ಸ್ಪಿರಿತ್.ಸೊವಿಸಾಂವೊ ಆಯ್ತಾರ್ ಸಾಧಾರಣ್ ಕಾಳ್ ವೊರ್ಸ್ B 30-09-12
ಆಯ್ಚೊ ವಿಷಯ್: ದೆಂವ್ಚಾರ್
ನಾಂವ್ ನಿಶಿ ಪುಸ್ತಕಾಂತ್ಲೆ ಪೊಯ್ಲೆಂ ವಾಚಾಪ್: 11:25-29 ಸರ್ವೆಸ್ಪೊರಾಚಾ ಸ್ಪಿರಿಚಾಚಿ ವೊಳೊಕ್.
ಸಾಂ ಜಾಕೊಬಾಚಾ ಪತ್ರಾಂತ್ಲೆ ದುಸ್ರೆಂ ವಾಚಾಪ್: 5:1-6 ಗ್ರೆಸ್ತಾಂಕ್ ಚತ್ರಾಯ್.
ಸಾಂ ಮಾರ್ಕಾಚಾ ಗ್ರಂಥಾತ್ಲೊ ವಾಂಜೆಲ್: 9:38-43,45,47-48 ಆಮ್ಚೆರ್ ವಿರೋಧ್ ನಾಂ ತೊ ಆಮ್ಚೆ ಪಕ್ಷೆಚೊ.
ಜೆಜು ಆಪ್ಲ್ಯಾ ಶಿಸಾಂಕ್ ಶಿಕಯ್ತಾ, ಜೊ ತಾಂಚೊ ವಿರೋಧ್ ಕರಿನಾಂ ತೊ ತಾಂಚಾ ಪಕ್ಷೆಕ್ ಆಸ್ತಾ.
ಇತ್ಲೆ ದೀಸ್ ಜೆಜುಚೆ ಶಿಸ್ ತಾಚೆ ಸಾಂಗಾತಾ ರಾವ್ರೆಲೆ ಜಾಲ್ಯಾರೀ ಜೆಜುಚಿ ಶಿಕೊಣ್ ತಾಂಕಾ ಸಮ್ಜೊಂಕ್ ನಾಂ.
ಜೆಜುಚಾ ನಾಂವಾನ್ ಥೊಡೆ ಜಣ್ ಬೊರೆಂ ಕಾಮ್ ಕರ್ಚೆಂ ಪೊಳೊನ್ ಶಿಸ್ ತಾಂಕಾ ತಶೆಂ ಕರುಂಕ್ ಆಡ್ವಾರುಂಕ್ ಲಾಗ್ಲೆ.
ತವೊಳ್ ಜೆಜುನ್ ತಾಂಕಾ ಸಾಂಗ್ಲೆ ಜೊ ಕೊಣ್ ಆಮ್ಚೆ ವಿರೋಧ್ ನಾಂ ತೊ ಆಮ್ಚೆ ಪಕ್ಷೆಕ್ ಆಸ್ತಾ.
ಆಮಿಂ ಜಾಣಾಂವ್ ಆಮಿಂ ಆಸ್ಚಾ ಆಯ್ಸ್ ಪೊಯ್ಸ್ ಮೊಸ್ತ್ ಜಣ್ ಬೊರೆಂ ಕಾಮ್ ಕರ್ತಾನಾ ಆಮೀ ಹೆಂ ಪೊಳೊನ್ ತಾಂಕಾ ಹೊಗೊಳ್ಸಿತಾಂವ್.
ಭಾಗೆವೊಂತ್ ಮದರ್ ತೆರೆಜಾ ಕಾರ್ಮೆಲಿತ್ ಸಿಸ್ಟರ್, ತಾಚಾ ಕಾಮಾನ್ ರಯ್ಲಾರ್ ಪಯ್ಣ್ ಕರ್ತಾನ್ ದೆವಾಚೊ ಆತ್ಮೊ ತಿಕಾ ಪ್ರೆರಣ್ ದೀಂವ್ನ್ ತಿಚೆಂ ಕಾಮ್ ಕರ್ ಮುಣ್ತಾ.
ತ್ಯಾ ವೆಳಾರ್ ಎಕಾ ಸಿಸ್ಟರಾಕ್ ಕೊಂವೆಂತಾಂತ್ಲೆ ಭಾಯ್ರ್ ವೊಸೊನ್ ಅಸಲೆಂ ಕಾಮ್ ಕರ್ಚೆಂ ಅಸಾಧಾರಣ್ ಜಾವ್ನಾಸ್ಲೆಲೆಂ.
ತೊಚ್ ಆತ್ಮೊ ಪಾಪ್ ಸಾಯ್ಬಾಕ್ ತಿಕಾ ತಿಚಿ ರೆಲಿಜಿಯೊಸ್ ಸಭಾ ಸೊಡಿನಾಸ್ತ್ತಾಂ ಹೆಂ ಕಾಮ್ ಕರುಂಕ್ ಅನುಮತಿ ದಿತಾ.
ಗಾಂಧಿ ರಯ್ಲಾರ್ ಪಯ್ಣ್ ಕರ್ತಾನಾ, ತಾಕಾ ರಯ್ಲಾ ವೊಯ್ಲೊ ಭಾಯ್ರ್ ಉಡೊಂಚೆ, ತಾಕಾ ಭಾರತಾಕ್ ಸ್ವತಂತ್ರತಾ ಖಾತಿರ್ ಝುಝೊಂಕ್ ಪ್ರೆರಣ್ ದಿತಾ.
ತೊ ಅಹಿಂಸೆಚೆಂ ಹಾತೆರ್ ಘೆವ್ನ್ ತಾಚೆಂ ಕಾಮ್ ಮುಂದರ್ಸಿತಾ.
ತೊ ಖಾಲಿ ಭಾರತಾಕ್ ಸ್ವತಂತ್ರತಾ ದಿವವ್ನ್ ಥಂಡ್ ಬೊಸಾನಾಂ ಜಾತಿ ಜಾತಿಂ ಮೊದೆಂ ಆಸ್ಲೊಲೊ ಭೆದ್ ಭಾವ್ ಕಾಬಾರ್ ಕರುಂಕ್ ಪೆಚಾಡ್ತಾ.
ಸಾಂತ್ ಇನಾಸ್ ಲೊಯೊಲಾ ಆಸ್ಪತ್ರೆಂತ್ ಆಸ್ತಾನಾ ತೊ ಎಕ್ ಸಭೆಚೆಂ ನಿರ್ಮಾಣ್ ಕರುಂದಿ ಮುಣ್ ತಾಕಾ ದೆವಾಚೊ ಅತ್ಮೊ ಪ್ರೆರಣ್ ದಿತಾ ಆನಿಂ ದೆವಾಚಾ ಮಹಿಮೆಕ್ ಪೆಚಾಡ್ ಮುಣ್ ಸಾಂಗ್ತಾ.
ಸಾಂ ಪ್ರಾಂಸಿಸ್ ಆಸಿಸಿ ತಾಚಾ ಈಶ್ಟಾಂ ಸಾಂಗಾತಾ ಗಮ್ಮತಾಂ ಮಾರ್ತಾನಾ ದೆವಾಚೊ ಆತ್ಮೊ ತಾಕಾ ದುಬ್ಳಿಕಾಯೆಚೆಂ ಪ್ರೆರಣ್ ದಿತಾ ಆನಿಂ ತೊ ದುಬ್ಳಿಕಾಯೆಕ್ ಆಪ್ಲೆಂ ಹಾತೆರ್ ಕರ್ನ್ ಸಮಾಜ್ ಸೆವಾ ಕರ್ತಾ.
ಸಾಂತ್ ಆರ್ನೊಳ್ಡ್ ಜಾನ್ಸನ್ ಜರ್ಮನಿಂತ್ ಕುಲ್ತುರ್ ಕಾಂಫ್ ಮುಳೆಂ ಧರ್ಮಾ ವಿರೊಧ್ ನಿಯಮಾಂ ವೆಳಾರ್ ದೆಯ್ವಿಕ್ ಸೊಬ್ದಾಚಿ ಸಭಾ ಘಡುಂಕ್ ಮುಕಾರ್ ಸರ್ತಾ ಜರ್ಮನಿಂತ್ ಎಕ್ ಮಿಸಾಂವ್ ಸಭೆಚಿ ಸ್ಥಾಪನಾ ಕರ್ತಾ.
ಅಶೆಂಚ್ ದೆವಾಚೊ ಆತ್ಮೊ ಮೊಸ್ತ್ ಲೊಕಾಕ್ ವಿವಿಧ್ ಥರಾಚಿಂ ಕಾಮಾ ಕರುಂಕ್ ಪ್ರೆರಿತ್ ಕರ್ತಾ.
ಆಮಿಂ ಅಸಲಿಂ ಕಿತ್ಲಿಶಿಂ ಉದಾಹರಣಾ ಹಾಂಗಾ ದಿವ್ಯೆತಾ.
ಹಜಾರೊಂ ಸಾಂತಾನಿ ದೆವಾಚಾ ಪ್ರೆರಣಾಕ್ ಪಾಳೊ ದೀವ್ನ್ ತಾಚೆ ಮಿಸಾಂವ್ ಮುಕಾರುಂಕ್ ಪ್ರಯತನ್ ಕೆಲಾಂ.
ಹಾಂಗಾ ಹಾಂವೆ ದಿಲ್ಲಿಂ ಥೊಡಿಂ ಉದಾಹರಣಾ ಆಮ್ಕಾಂ ಉಪಯೊಗಾಕ್ ಜಾತಾಲಿಂ.
ಆಯ್ಚೆಂ ಪೊಯ್ಲೆಂ ವಾಚಾಪ್ ನಾಂವ್ ನಿಶಿ ಬುಕಾಂತ್ಲೆಂ ಆಮ್ಕಾಂ ಕಳಯ್ತಾ, ಮೊಯ್ಜೆನ್ ದೆವಾಚೆಂ ಉತಾರ್ ಆಯ್ಕಾ ಮುಣ್ ಲೊಕಾಕ್ ತಾಂಚಾ ತಂಬಾ ಮುಕಾರ್ ಉಬೆಂ ರಾವೊಂಕ್ ಫೊರ್ಮಾಯ್ಲೆಂ.
ದೆವಾಚೆಂ ಪ್ರೆರಣ್ ತಾಂಚೆರ್ ಮಾತ್ರ್ ನಂಯ್ ಬಗಾರ್ ಜಾಂಚೆರ್ ದೆವಾನ್ ನಿರ್ಮಿಲ್ಲೆಂ ಗೀ ತ್ಯಾ ಸಮೆಸ್ತಾಂಚೆರ್ ದೆಂವ್ತಚ್ ಮೊಯ್ಜೆನ್ ತಾಂಕಾ ತಾಚಾ ಹಾತಾಖಾಲ್ ತಾಚಾ ಕಾಮಾಂತ್ ವಾಂಟೊ ಘೆಂವ್ಕ್ ಫೊರ್ಮಾಯ್ಲೆಂ.
ಕೆದಾಳಾ ದೇವ ಎಕ್ಲ್ಯಾಕ್ ತಾಚೆಂ ಕಾಮ್ ಕರುಂಕ್ ವಿಂಚ್ತಾಗೀ ತೆದಾಳಾ ದೇವ್ ತ್ಯಾ ವ್ಯಕ್ತಿಕ್ ಬೋಳ್ ಆನಿ ಘಟಾಯ್ ದಿತಾ.
ಹೆಂ ಆಮಿಂ ಹ್ಯಾ ವಾಚ್ಪಾಂತ್ ಸಮ್ಜಾಲ್ಯಾಂವ್.
ನಾಂಗಿ ಆಜ್ ಆಮ್ಚಾ ಸಾಮಾಜಿಂತ್ ಆಸ್ಚ್ಯೊ ಕುರಿತಿ ಬದ್ಲುಂಚಿ ಕಾರ್ಯಕ್ರಮಾ?
ಕಿತ್ಲೆಸೆ ಸ್ವಯಂಮ್ ಸೆವಕ್ ಸಂಸ್ಥೆ ಆಯ್ಚಾ ಕಾಲಾರ್ ಹೆ ಕುಶಿನ್ ಆಪ್ಲೊ ವೇಳ್ ಸಮರ್ಪುನ್ ದಿತಾತ್.
ಸಕ್ಕಡ್ ಹ್ಯಾ ಸಂಸಾರಾಂತ್, ಮೋಗ್, ಮಾಯ್ಪಾಸ್, ಎಕ್ವೊಟ್, ದಯಾಳಾಯ್, ಆನಿ ಸೆವೆಚೆಂ ಕಾಮ್ ಮುಕಾರುಂಕ್ ಪ್ರಯತನ್ ಕರ್ತೇ ಆಸ್ತಾತ್.
ದುಬ್ಳಿಕಾಯ್, ಸಾಮಾಜಿಕ್ ಅಸಮಾನತಾ, ಅನ್ಯಾಯ್ ಇತ್ಯಾದಿ ಪೊಯ್ಸ್ ಕರುಂಕ್ ಥೊಡಿಂ ಪೆಚಾಡ್ತಾನಾ ತಾಂಕಾ ಮೊಸ್ತ್ ನಮುನೆಂಚೆ ತೊಂದ್ರೆ ಸೊಸುಂಕ್ ಪೊಡ್ತಾತ್.
ಫೂಣ್ ಸಮರ್ಪಿತ್ ಲೊಕ್ ಹೆಂ ತಾಂಚೆ ಮಿಸಾಂವ್ ಸೊಡಿನಾಸ್ತಾಂ ತೆಂ ಪೊಂತಾಕ್ ಪಾಂವೊಕ್ ಪೆಚಾಡ್ತಾತ್.
ಆಮಿಂ ಸಂಸಾರಾರ್ ಪ್ರಾಕ್ರತಿಕ್ ಅನ್ವಾರಾಂ ಆಯ್ಲ್ಯಾ ವೆಳಾರ್ ಪೊಳೆತಾಂವ್, ಲೊಕ್, ಕಶೆಂ ಎಕಾಮೆಕಾಚಿ ಕುಮೊಕ್ ಕರುಂಕ್ ಜಾತ್ ಕಾತ್ ಪೊಳೆ ನಾಸ್ತಾನಾ ಎಕ್ ಜಾತಾತ್.
ಹೆಂ ಕೇವಲ್ ದೆವಾಚಾ ದಯೆನ್ ಜೆಜು ಕ್ರಿಸ್ತಾಚಾ ಪ್ರೆರಣಾನ್ ಸಂಭವ್ ಜಾತಾ.
ಇಗರ್ಜ್ ಮಾತೆನ್ ತಿಚಾ ಸುರ್ವೆರ್ ಥಾವ್ನ್ ಕಷ್ಟಾಲ್ಲ್ಯಾ ಲೊಕಾಚಿ ಸೆವಾ ಕರ್ಚೆಂ ಕಾರ್ಯ್ಭಾರ್ ಸಾಂಬಾಳ್ಳಾಂ.
ವಾತಿಕಾನ್ ಸಭೆಚಾ ದುಸ್ರ್ಯಾ ಸಬೆವೆಳಾರ್ ಹೆಂ "ಇಗರ್ಜ್ಮಾತಾ ಆಧುನಿಕ್ ಯುಗಾಂತ್ ಮುಳ್ಯಾ" ಕಡ್ತಿಲಾಂತ್ ಹಾಚೊ ಬೊರೊ ಉಲ್ಲೆಖ್ ಕೆಲಾ.
ಆಯ್ಚಿಂ ವಾಚ್ಪಾಂ ಆಮ್ಕಾಂ ಹ್ಯಾ ದಿಶೆಂತ್ ಇಗರ್ಜಮಾತೆಚೊ ಶೆವೊಟ್ ದಾಕಯ್ತಾ.
ದೇವ್ ಕೆದಾಳಾ ಮುನ್ಶಾಕ್ ವಿಂಚುನ್ ಪ್ರಥ್ಯೆಕ್ ಕರ್ತಾ, ತೆದಾಳಾ ಮುನ್ಶಾಕ್ ದೆವಾಚಾ ವಿಂಚ್ಣೆಚೊ ಬೆಪಾರ್ವೊ ಕರುಂ ಸಾದ್ಯಚ್ ನಾಂ..
ಹೆಂ ಆಮಿಂ ಪೊರ್ನ್ಯಾ ಸೊಲ್ಲ್ಯಾಂತ್ ಪೊಳೆಲಾಂ. ನೊವ್ಯಾ ಸೊಲ್ಲ್ಯಾಂತ್ ಜೆಜುಚಾ ಕಾಲಾರ್ ಪೊಳೆಲಾಂ. ಜೆಜುನ್ ಕಸಲ್ಯಾ ಸಾಧಾರಣ್ ಲೊಕಾ ವಿಂಚುನ್ ತಾಚೆ ಶಿಸ್ ಕೆಲೆಂ.
ಜೆಜುಚೆ ಶಿಸ್ ತಾಚಿ ಶಿಕೊಣ್ ಸಂದಾಂಚ್ ಆಯ್ಕಾ ತಾಲೆ, ತಾಚಾ ಸಾಂಗಾತಾ ಭೊಂವ್ತಾಲೆ, ಜೆವ್ತಾಲೆ, ಪೂಣ್ ತಾಂಚಾ ಮೊಂನಾಂತ್ ಜೆಜು ಕೆದಾಳಾ ತಾಚೆಂ ರಾಜ್ ಸ್ಥಾಪಿತ್ ಕರಿತ್ ಮುಳೆಂ ಸವಾಲ್ ಆಸ್ತಾಲೆಂ
ಜೆಜುಚಾ ಸಾರ್ವಜನಿಕ್ ಕಾರ್ಯಾ ವೆಳಾರ್ ಲೋಕ್ ಜೆಜು ಥಾಂವ್ನ್ ಪ್ರೆರಣ್ ಘೆಂವ್ನ್ ತಾಚೆಂ ಕಾಮ್ ಕರ್ತಾಲೆ.
ಎಕ್ ದೀಸ್ ಥೊಡೆ ಶಿಸ್ ವಾಟ್ ಚಲ್ತಾನಾ ಪೊಳೊಂಕ್ ಲಾಗ್ಲೆ ಎಕ್ಲೊ ಜೊ ತಾಂಚೊ ಸಾಂಗಾತಿ ನಂಯ್ ಆಸ್ಲೊಲೊ ದೆಂವ್ಚಾರ್ ಸೊಡೊಂಚೆ ಕಾಮ್ ಕರ್ತೇ ಆಸ್ಲೊಲೊ.
ಹೆಂ ಪೊಳೆಲ್ಲೊ ಶಿಸ್ ಜುಂವಾಂವ್ ಮುಕಾರ್ ಸರೊನ್ ತಾಕಾ ಅಶೆಂ ಕರುಂಕ್ ನಜೊ ಮ್ಹುಣ್ ತಾಕಿದ್ ದೀಂವ್ಕ್ ಲಾಗ್ಲೊ.
ಹಿ ಖಬೊರ್ ಜೆಜುಚಾ ಕಾನಾರ್ ಪೊಡ್ಲಿ, ಜೆಜು ಶಿಸಾಂಕ್ ವಿಚಾರಿ ಲಾಗ್ಲೊ, ತುಮಿಂ ವಾಟೆರ್ ಕಿತ್ಯಾ ವಿಶೆಂತ್ ಚರ್ಚಾ ಕರ್ತೆಲ್ಯಾತ್?
ಜುಂವಾಂವ್ ಮ್ಹುಣಾಲೊ, ಸೊಮಿಯಾ ವಾಟೆರ್ ಚಲ್ತಾನಾ ಎಕ್ಲೊ ಆಮ್ಚಾ ಪಂಗ್ಡಾಚೊ ನಂಯ್ ಆಸ್ಲೊಲೊ ದೆಂವ್ಚಾರ್ ಸೊಡೊಂಚೆ ಕಾಮ್ ಕರ್ತೆ ಆಸ್ತಾನಾ ಹಾಂವೆ ತಾಕಾ ತಶೆಂ ಕರಿನಾಶೆಂ ತಾಕಿದ್ ದಿಲಿ.
ಜೆಜು ಮ್ಹುಣಾಲೊ ತುಮಿಂ ಅಶೆಂ ಕಿತ್ಯಾಕ್ ಕೆಲೆಂ ತೊ ದೆವಾಚೆಂ ಕಾಮ್ ಕರ್ತಾ ತೊ ದೆವಾಚೊಚ್ ಮೊನಿಸ್.
ಕೊಣ್ ಪೊಳೆ ಆಮ್ಚೆ ವಿರೊಧ್ ನಾ ತೊ ಆಮ್ಚೊ ಸಾಂಗಾತಿ.
ನಂಯ್ಗೀ ಹಿ ಶಿಕೊಣ್ ಆಯ್ಚಾ ಸಮಾಜಿಕ್ ಸಹಜಾಲ್ಲಿ.
ಆಮ್ಚಾ ಸಮಾಜಿಂತ್ ಕಿತ್ಲೊಸೊ ಲೊಕ್ ದೆವಾಚಿಂ ಕಾರ್ಯಾಂ ಕರ್ತಾತ್. ತಾಂಕಾ ಕಳಾನ್ ತೆ ದೆವಾಚಾ ಶಿಕೊಣೆಚೊ ಕಶೆಂ ಸಮ್ಜಾ ನಾಸ್ತಾಂನಾಂಚ್ ಅಪ್ಲ್ಯಾ ಜಿವಿತಾಂತ್ ಉಪಯೊಗ್ ಕರ್ತಾತ್.
ಮೊಸ್ತ್ ಪಾವ್ಟಿಂ ಆಮಿಂ ಅನ್ಬಾವಾಡ್ತ್ಯಾಂಚಾ ಮೊದೆಂ ಆಸ್ತಾನಾ ತಾಂಣಿ ಕರ್ಚೆಂ ಆಮ್ಕಾಂ ಸಮೊ ದಿಸಾನಾ.
ತವೊಳ್ ಆಮಿಂ ದೆವಾಚೆರ್ ಹೆಂ ಪೂರಾ ಸೊಡಿಜಯ್.
ಜಶೆಂ ಜೆಜುಚೆ ಶಿಸ್ ದುಸ್ರ್ಯಾನಿ ಜೆಜು ಚಾ ಶಿಕೊಣೆ ಚೆ ಕೆಲ್ಲಿಂ ಕಾಮಾಂ ತಾಂಕಾ ಕರುಂಕ್ ಸೊಡಿನಾತ್ಲೆಲ್ಯಾ ವೆಳಾರ್ ಜೆಜುನ್ ತಾಂಕಾ ಸಾಂಗ್ಲೆಂ ಕೆದಾಳಾ ಎಕ್ಲೊ ಆಮ್ಚೆ ವಿರೊಧ ನಾ ತೊ ಆಮ್ಚಾ ಸಾಂಗಾತಾ ಆಸ್ತಾ.
ದೆಕುನ್ ಅನ್ಭಾವಾಡ್ತಿ ಆಮ್ಚಾ ಧರ್ಮಾ ವಿರೊಧ್ ನಾತ್ಲೆಲೆಯಾ ವೆಳಾರ್ ಆಮಿಂ ತಾಂಚೊ ವಿರೊಧ ಕರುಂಕ್ ನಜೊ.
ಹ್ಯಾ ಆಯ್ತಾರಾ ದೇವ್ ಆಮ್ಕಾಂ ತಿ ಕುರ್ಪಾ ದೀಂವ್ ಹ್ಯಾ ಪಾಸೊತ್ ದೆವಾಚಿ ವಿನತಿ ಆಮಿಂ ಕರ್ಯಾಂ.
ತುಮ್ಚಾ ಮೊಗಾಚೊ,
ಬಾಪ್ ಜುಜೆ ವಾಸ್ ಎಸ್.ವಿ.ಡಿ.="ltr" style="text-align: left;" trbidi="on">
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ