പൊഞ്ച്വിസാംവൊ ആയ്താർ സാധാരൺ കാൾ B 23-09-12
ആയ്ചൊ വിഷയ്:സെവാ ദിംവ്ചൊ സെവക്
പൊയ്ലെം വാവാപ് ജാണ്വായെചാ പുസ്തകാന്ത്ലെം 2:12,17-20 നിതിവൊതാങ്ക് ദേവ് മാന്ദുൻ ഘെതാ.
ദുസ്രെം വാചാപ് സാം ജാകൊബാചാ പത്രാന്ത്ല് 3:16-4:3 നിതിവന്ത്പൊണാഞ്ചി ഫൊളാം എക്വൊടാക് ഘടായ് ദിതാത്.
വാഞ്ജെൽ സാം മാർകാചാ പുസ്തകാന്ത്ലൊ9:30-37 ജെജു ആപ്ല്യാ പാശാംവാ വിശെന്ത് ദുസ്രെ പാവ്ടീം ഉലയ്താ. ശിസ് താഞ്ചാ പൊദ്വെ വിശെന്ത് ഉലയ്താത്.
ജെജു ഹ്യാ സംസാരാന്ത് സംസാരാക് എക് നൊവി ദിശാ ദീംവ്ചാക്.
താചാ ഹ്യാ ദിശ്ടാവ്യാൻ ഹ്യാ സംസാരാചെം ചിന്താപ് ബദ്ലാലാം.
ജെജുൻ ആപ്ല്യാ സാമൂഹിക് കാംമാം വെളാർ ലൊകാക് ശികൊൺ ദിലി, താഞ്ചി പിഡാ ഗൂൺ കെലി, താങ്കാ ജേംവ്ക് ദിലെം.
സമെസ്താങ്ക് ജെജുചി കാര്യിം പൊളൊൻ അജാപ് ജാലെം.
ഥൊഡെ ജെജുക് പാത്യെലെ. സബാർ ജണാനിം ജെജു ചാ അസല്യാ കാര്യാഞ്ചൊ വിരൊധ് കെലൊ.
താകാ താഞ്ചാ ഗാംവാന്ത് രാവൊങ്ക് സൊഡുങ്ക് നാം.
തൊ ഗാംവാ ഥാംവ്ന് ഗാംവാനി ഭൊവൊൻ ആപ്ലി ശികൊൺ ദീംവ്ക് സുരു കെലെം.
ലൊകാൻ താചൊ വിരൊധ് കെല്ല്യാൻ ജെജു ആപ്ല്യാ ഥൊഡ്യാ ശിസാം സാംഗാതാ ഗുപ്ത് രുപാർ താങ്കാ ശികൊങ്ക് ലാഗ്ലൊ.
പൂൺ താചെ ശിസ് ജെജുക് സമ്ഝൊങ്ക് നാന്ത്, തെ താഞ്ചാ പൊദ്വെ വിശെന്ത് ചിന്തുൻ ബൊസ്ലെ.
ജെജുൻ താഞ്ചൊ വിചാർ കർതാനാ തെ സ്ഠബ്ദ് ബൊസ്ലെ.
ജെജുക് അഖെരെക് താചാ ശികൊണെ ഖാതിർ താചൊ ജീവ് ദീംവ്ക് പൊഡ്ലൊ.
ആധുനിക് സംസാരാന്ത് വിവിധ് ഥരാചെ സെവക് ആസാത്.
രാജ് നിതിക മുഖെലി, സാമാജിക് മുഖെലി, വാണിജ്യ് നിതിചൊ പൊസ് കർചെ മുഖെലി ആനി ധാർമിക് നിതിഞ്ചൊ പർഘട് കർചെ മുഖെലി
അസല്യാ സന്ദർഭാർ ആമിം ക്രിസ്താംവ് സമൊഡ്ത് പാൾതെലെ കസല്യാ മുഖെല്യാഞ്ചൊ പാട്ലാവ് കർതാംവ്.
ആമ്ചാ ആയ്സ് പൊയ്സ് ഥരാം ഥരാഞ്ചി മുഖെല്യാഞ്ച്യൊ സംസ്ക്രത്യൊ ആസാത്.
ജെജുൻ ആപ്ല്യാ ശികൊണെ വെളാർ ആപ്ല്യാ ശിസാങ്ക് കാംയ് സ്വാർഥ് നാസ്താംനാ കരാ മുൺ സാംഗ്ലെ.
ആയ്ചാ മിസാവെളാർ ആമിം തീൻ വാച്പാം ആയ്കാലിം.
പൊയ്ല്യാ വാച്പാന്ത് ആമിം ജാണ്വായെചാ ബുകാന്ത് ഥാവ്ന് ആയ്കാലെം കസൊ നിതിവൊന്ത് മുനിസ് ആപ്ല്യാ നിതിവൊന്ത്പാണാചാ ആയ്ദാൻ ലൊകാക് ജികൊങ്ക് പ്രയതൻ കർതാ.
പൂൺ ആയ്ചൊ യുഗ് എക് സ്വാർഥി യുഗ്. ജെജുചി ശികൊൺ ബൊര്യാ ഥരാൻ പാളുങ്ക് ആജ് ആമ്കാം തയാർ രാവാജയ് മുൺതാ.
ദുസ്ര്യാ വാച്പാന്ത് ജാകൊബ് ജെജുചൊ ശിസ് ആമ്കാം സാംഗ്താ ആമിം എക്വൊടിത് ഥരാൻ ആമ്ചെം ജിവിത് മുകാർ വൊരിജയ് മുൺ.
പൂൻ ഹൊ സംസാർ മൊസ്രി സംസാർ മൊസ്രാൻ സംസാരാന്ത് അഭിലാശാക് പാവ്ട് മെൾതാ അശെം സമാദാൻ ആനിം മൊഗ് മായാഗ് ജാവ്ന് ലൊകാചൊ ഭർവൊസൊ എകാ മെകാ ഥാവ്ന് ഉഡൊൻ വെതാ.
ജെജുചി ശികൊൺ ആജ് ആമ്കാ പ്രത്യേക് ഥരാൻ ജാഗ്രുത് ജാംവ്ക് പ്രെരിത് കർതാ ആനിം ആമ്ചിം ചിന്താപ് ബദ്ലുങ്ക് സാംഗ്താ.
ജശെം ജെജുചാ കാളാർ ലൊക് ജെജുചാ ശികൊണെങ്ക് കാൻ ദീ നാസ്താംനാ താചാ വിരൊധ് വൊസൊൻ താകാ ജിവെശിം മാർലെം തശെഞ്ച് ആജീ ലൊക് സതാചി വാട് ചലൊങ്ക് തയാർ നാന്ത്.
ഹ്യാ സംസാരാന്ത് ഗ്രെസ്ത് ദുബ്ള്യാക് ദഗ്ദിതാ, ശിക്പി അശിക്പ്യാചി ബെപാർവാ കർതാ, അശെം ലൊക് സാമാദാനെൻ ആനി മൊഗാൻ ജിംയൊംവ്ചാ ബദ്ലാക് മൊസ്രി ആനിം ഹഗെം ദൊവ്രുഞ്ചൊ ജാവ്ന് ഗെലാ.
ജെജു ആജ് ആമ്കാം മിസാ വെളാർ വിചാർതാ ആനിം പൊർത്യാൻ താചാ ശികൊണെഞ്ചൊ ബെപാർവൊ കരിനാസ്താം താചാ സാംഗാതാ ചലൊങ്ക് സാംഗ്താ.
താണെം സാംഗ്ലാ ജശെം എക് ൽഹാൻ ബാൾശെം നിതൾ ആനി നിസ്കൾ ഥരാൻ ആപ്ലെം ജിവൻ സാർതാ ഗീ തശെഞ്ച് ആമിം ആമ്ചെം ജിവൻ സാരിജയ്.
ദെകുൻ തൊ താചാ പാശാംവാ ചാ ശികൊണെ സാംഗാതാ താചാ ശിസാങ്ക് ൽഹാൻ ഭുർഗ്യാഞ്ചി വൊപാർ ദീവ്ന് താഞ്ചെ ബരിം ജായാ മുൺ സാംഗ്താ.
ജുജുൻ ആപ്ല്യാച് ജിവിതാചി വൊളൊക് ആമ്കാ കർൻ ദില്യാ. തൊ മെലൊ, ജാല്യാരീ മൊർൻ താകാ അഖെർ കരുങ്ക് സകൊങ്ക് നാ. തൊ പരത് ജീംവൊത് ജാവ്ന് മൊർനാചെർ ജയ്തെവൊന്ത് ജാലൊ.
ഹൊ സന്ദെശ് ജെജു ആമ്കാം താചാ ശികൊണെ ദ്വാരിം ദിതാ.
ആതാഞ്ചി സംസ്ക്രതി സെവെചി സംസ്ക്രതി നംയ്.
ലൊക് സെവാ കർതാ പൂൺ താഞ്ചാ സെവെന്ത് താഞ്ചൊ ഫായ്ദൊ ലിപൊൻ ആസ്താ.
പൂർൺ നിസ്വാർഥ് സെവാ കർതെലെ ബാരീ ഉണെ, ഭാഗെവൊന്ത് മദർ തെരെജാ കൊൽകൊത്താചി എക് അപ്വാദ് ജാവ്നാസാ.
തിണെ കസല്യാച് നാംവാം ഖാതിർ ദുബ്ള്യാ ധാക്ട്യാചി സെവാ കരുങ്ക് നാ. ബഗാർ തിണെം താഞ്ചെ ഥംയ് കസ്ടൊഞ്ചാ ജെജുചെം പ്രതിരൂപ് പൊളെലെം.
കശ്ടൊഞ്ചൊ ജെജു ആജീ ആമ്കാം ആപൊൻ ലൊകാനി സെവാ നിസ്വാർഥ് ഥരാൻ കരാ മുൺതാ.
ആമിം ഹ്യാ ആപൊണ്യാങ്ക് കാൻ ദീവ്ന് മുകാർ സര്യാം.
തുമ്ചാ മൊഗാചൊ
ബാപ് ജുജെ വാസ് എസ്.വി.ഡി.
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ