ಆದ್ವೆಂತಾಚಾ ಕಾಳಾಚೊ ಪೊಯ್ಲೊ ಆಯ್ತಾರ್ ವೊರ್ಸ್ ತೀನ್: ವಿಷಯ್: ಭರ್ವೊಶ್ಯಾಚೆಂ ಕೀರ್ಣ್!!! 2-12-12
ಜೆರೆಮಿಯಾ ಪ್ರವಾದಿಚಾ ಫುಸ್ತಕಾಂತ್ಲೆಂ ಪೊಯ್ಲೆಂ ವಾಚಾಪ್ 33:14-16 ಸರ್ವೆಸ್ಫೊರ್ ತಾಣೆ ಕೆಲ್ಲಿ ಭಾಸಾವ್ಣಿ ಖಂಡಿತ್ ಪಾಳ್ತೊಲೊ..
ಥೆಸ್ಸೆಲೊನಿಚಾ ಲೊಕಾಕ್ ಪಾವ್ಲುಚೆಂ ಪೊಯ್ಲ್ಯಾ ಪತ್ರಾಂತ್ಲೆಂ ದುಸ್ರೆಂ ವಾಚಾಪ್ 3:12-4:2 ಸಾಂ ಪಾವ್ಲ್ ಲೊಕಾಕ್ ಭಾಗೆವೊಂತ್ಲ್ಪೊಣ್ ಸಾಂಭಾಳುಂಕ್ ಆನಿಂ ಸೆವಾ ಕರುಂಕ್ ಉಲೊ ದಿತಾ.
ಸಾಂ ಲುಕಾಚಾ ಫುಸ್ತಕಾಂತ್ಲೊ ವಾಂಜೆಲ್ 21:255-28,34-36 ಪ್ರಕ್ರತಿ ದೆವಾಚೊ ಮುನಿಸ್ ಜಾಲ್ಲೊ ಪೂತ್ ಎಂವ್ಚಿ ಖಬೊರ್ ದಿತಾ ಆನಿಂ ಲೊಕಾಕ್ ಜಾಗ್ರುತ್ ಜಾಯಾ ಮ್ಹುಣ್ತಾ.
ಆಯ್ಚೊ ಸ್ತ್ರೊತ್ ಆಮ್ಕಾ ಸಾಂಗ್ತಾ ದೇವ್ ಕೆದಾಳಾರೀ ತಾಚೆಂ ಉತಾರ್ ಪಾಳುಂಕ್ ತಯಾರ್ ಆನಿ ಹೆಂ ತೊ ಮೊಗಾಚಾ ಅತ್ರೆಗಾನ್ ಕರ್ತಾ.
ಮೊಗ್ ಚಡಾವತ್ ಜಾವ್ನ್ ತಾಚಾ ವೊರ್ವಿಂ ಜಾಂವ್ಚಾ ಅತ್ರೆಗ್ ಭರಿತ್ ಆಕರ್ಶಣಾನ್ ಆಪ್ಲಿಂ ಉತ್ರಾಂ ಮೊಗಾಚಾಂಕ್ ಕಳಯ್ತಾ. ಜೆರೆಮಿಯಾ ಪ್ರವಾದಿ ಆಮ್ಕಾಂ ಜುದೆವಾಂ ಕರ್ನಾ ಭಾಸಾಯ್ತಾ, ದೇವ್ ತಾಂಕಾ ಸೊಡ್ನ್ ಘಾಲಿಸೊನಾ. ಹ್ಯೊ ಸಕ್ಕಡ್ ದೆವಾಚೊ ತಾಚಾ ಮೊಗಾಚಾ ಲೊಕಾಕ್ ಸಾಂಗ್ಣ್ಯೊ ತಾಚಾ ಪೊಯ್ಲ್ಯಾ ಅತ್ರೆಗಾಚಾ ಉತ್ರಾಂಚೆ ಹೊಂ ದೊನ್ ಹೊ ತ ಸ್ ಲ್ಯೊ ಭಾಸಾವ್ಣ್ಯೊ (ಆದಿಂ ಮಾಗಾ ಫುಸ್ತಕ್: 3:13 ತೊ ತಾಂಕಾ ಸಾಲ್ವಾರ್ ಕರುಂಕ್ ಎಕ್ ಸಡ್ವೊಣ್ದಾರ್ ಧಾಡ್ತಾಂ ಮ್ಹುಣ್ ಭಾಸಾಯ್ತಾ. ಆಜ್ ಥಾವ್ನ್ ಆಮಿಂ ಆದ್ವೆಂತಾಚಿ ತಯಾರಾಯ್ ಸುರು ಕರ್ತಾಂವ್. ದೆವಾಚೆಂ ಪೊಯ್ಲೆಂ ಭಾಸಾವ್ಣೆಂ ಆಮ್ಕಾಂ ಆಮ್ನ್ಚೆ ಥಂಯ್ ದೆವಾನ್ ಕರ್ಚಿಂ ಕಾರ್ಯಿಂ ಸಮ್ಜೊಂಕ್ ಕುಮೊಕ್ ಕರ್ತಾತ್.
ದೆವಾನ್ ಕರ್ಚಿಂ ಹರೆಕ್ ಕಾಮಾ ತಸಲ್ಯಾ ಭಾಸಾವ್ಣ್ಯಾಚೆರ್ ಹೊಂದೊನ್ ತೊ ಕರ್ತಾನಾ ತೊ ಮಜ್ಬೂರ್ ಜಾವ್ನ್ ಹೆಂ ಕರಿನಾ ತೊ ಹೆಂ ಮೊಗಾನ್ ಅತ್ರೆಗೊನ್ ಕರ್ತಾ.
ರೊಮಿ ಗಾರಾಂಚಾ ಪತ್ರಾಂತ್ ಪಾವ್ಲು ಸಾಂಗಾ" ದೆವಾಚೆರ್ ಹೊಂದೊನ್ ಆಸ್ಲೆಲಿಂ ಹೆ ದೆಣಿಂ ಎಕ್ ಧರ್ಮಾಥ್ ಕಾರ್ಯಿಂ (ರೊಮಿಂ 4:16) ಹಿಂ ಉತ್ರಾಂ ಸಮ್ಜೊನ್ ಆಮ್ಕಾ ಪವ್ಲು ಥೆಸ್ಸೊಲೊನಿಯಾಚಾ ಲೊಕಾ ಕರ್ನಾ ಕಳಯ್ತಾ ಆಮಿಂ ಆಮ್ಚೆಂ ಜಿವಿತ್ ಬೊರ್ಯಾ ಭಾಶೆನ್ ಜಿಯೆಜಯ್, ಪಾತ್ಕಿ ಜಿಣಿ ಸೊಡ್ನ್ ದೆವಾನ್ ದಿಲ್ಲ್ಯಾ ಬೊರ್ಯಾ ಮೊನಾನ್ ದೆವಾಚಿ ಖುಶಿ ಕರುಂಕ್ ಪೆಚಾಡಿಜಯ್. ಅಶೆಂ ಆಮಿಂ ಬಾವ್ತೆಜ್ಮಾ ವೆಳಾರ್ ದೆವಾಕ್ ದಿಲ್ಲ್ಯಾ ಭಾಶೆ ವೊರ್ವಿಂ ಪೊರ್ತ್ಯಾನ್ ತಾಚಿಂ ಭುರ್ಗಿಂ ಜಾತೆಲ್ಯಾಂವ್.
ಜೆರೆಮಿಯಾ ಪ್ರೊಫೆತ್ ತಾಚಾ ಸಗ್ಳ್ಯಾ ಲಿಸಾವಾನಿಂ ಲೊಕಾಕ್ ಭರ್ವೊಸ್ಯಾಚಿ ವೊಳೊಕ್ ಕರಯ್ತಾ.
ಸಂಸಾರಾಂತ್ ಆಸ್ಚಿಂ ಮೊಸ್ತ್ ಅವ್ಘಡಾಂ ಲೊಕಾಕ್ ದೆಧೆಸ್ಪೊರ್ ಜಾಂವ್ಕ್ ಪಾವ್ಟ್ ದೀಂವ್ಕ್ ನಜೊ ಮುಳೆಂ ಸತ್ ಸಮ್ಜೊಂಕ್ ಪ್ರಯತನ್ ಕರ್ತಾ.
ಸೊಮ್ವಾಚೊ ಪ್ರೆರಣಾಚೊ ಸ್ಪಿರಿತ್ ಆಮ್ಕಾಂ ಸದಾಂಚ್ ದೆವಾನ್ ಮುನ್ಶಾಂಕ್ ಕುಮೊಕ್ ಕರ್ಚಾ ವಿದಿವಿಶೆಂತ್ ಸಮ್ಜಯ್ತಾ.
ಅಸಲಿಂ ಘಡಿತಾಂ ಆಮ್ಕಾಂ ಸದಾಂಚ್ ಪೊಳೊಂಕ್ ಮೆಳ್ತಾತ್.
ಕೊಣ್ ಪೊಳೆ ಅಸಲ್ಯಾ ಘಡಿತಾಂನಿ ದೆವಾಚೆರ್ ಪಾತ್ಯೆಣಿ ದೊವ್ರಿನಾಂಸ್ತಾಂ ಧೆದೆಸ್ಪೊರ್ ಜಾತಾ ತಾಚೆರ್ ದೆವಾಚೊ ಪ್ರೆರಣಾಚೊ ಆತ್ಮೊ ರಾಜ್ ಕರಿನಾ.
ಆಮಿಂ ಆಮ್ಚಾ ಜಿವಿತಾಂತ್ ದೆವಾಚೆಂ ಪ್ರೆರಣ್ ಕೆದಾಳಾರೀ ಉಕೊಲ್ನ್ ಧರ್ನ್ ತಾಚೆರ್ ಪಾತ್ಯೆಜಯ್ ಮುಣ್ತಾ ಆಯ್ಚೆಂ ವಾಚಾಪ್.
ಪೊರ್ನ್ಯಾ ಸೊಲ್ಲ್ಯಾಂತ್ ಜುದೆವ್ ಲೊಕ್ ಕಶೆಂ ದೆವಾಚಾ ಪ್ರೆರಣಾಚೆರ್ ಹೊಂದೊನ್ ರಾವ್ತೆಲೆ ಮ್ಹುಳೆಂ ಸತ್ ಆಮ್ಕಾ ಸಮ್ಜಯ್ತಾ.
ತೆ ಸದಾಂ ದಾವಿದಾ ಥಾವ್ನ್ ಎಕ್ ಸಮ್ಜೊಣೆಚೊ ರಾಯ್ ಕುಂವೊರ್ ಜಲ್ಮಾತೊಲೊ ಮುಳೆಂ ಸತ್ ಹೆಂ ಆಮ್ಕಾ ಶಿಕಯ್ತಾ.
ಪೊರ್ನ್ಯಾ ಸೊಲ್ಲ್ಯಾಂತ್ ಕಶೆ ಲೊಕ್ ದೆವಾಚೆರ್ ಆಪ್ಲೊ ಪೂರ್ಣ್ ವಿಶ್ವಾಸ್ ದೊವ್ರುನ್ ಚಲ್ತೆಲೆಂ ಮುಳೆಂ ಆಮ್ಕಾ ಕಳ್ತಾ.
ತೆ ಕೆದಾಳಾರೀ ದೆವಾಚಾ ಹುಜ್ರಿಂ ಆಪ್ಲೊ ದೀಸ್ ಪಾಶಾರ್ ಕರುಂಕ್ ಪೆಚಾಡ್ತೆಲೆ.
ಆಮಿಂ ಆಮ್ಚಾ ಜಿವಿತಾಂತ್ ದೆವಾಚೆಂ ಬೊಳ್ ಸ್ವೀಕಾರುನ್ ತಾಚೆರ್ ಆಮ್ಚೆ ಜಿವಿತ್ ಹೊಂದೊನ್ ಚಲೊಂಕ್ ದೆವಾಕ್ ಉತಾರ್ ದಿಲಾಂ.
ತೊ ಆಮ್ಕಾ ಸದಾಂ ತಾಚೆಂ ಕುರ್ಪೆಚೆಂ ಬೊಳ್ ದಿತಾ ಅನಿಂ ಆಮಿಂ ಹ್ಯಾ ಆಧುನಿಕ್ ಯುಗಾಂತ್ ಜಿಯೆಂವ್ಕ್ ಕುಮೊಕ್ ಕರ್ತಾ.
ಆಯ್ಚೆಂ ದುಸ್ರೆಂ ವಾಚಾಪ್ ಆಮ್ಕಾಂ ಥೆಸೊಲೊನಿಕಾಚಾ ಲೊಕಾಕ್ ಸಂಭೊದಿತ್ ಕೆಲ್ಲ್ಲ್ಯಾ ಉತ್ರಾನಿಂ ಆಮಿಂ ಪಾತ್ಯೆಣೆಚಾ ಲೊಕಾ ಬರಿಂ ಆಮ್ಚೆಂ ಜಿವಿತ್ ಜಿಯೆಜಯ್ ಮುಣ್ ಸಾಂಗ್ತಾ.
ಪಾವ್ಲು ಆಪ್ಲ್ಯಾ ಲೊಕಾಕ್ ಮೊಗಾನ್ ಉಲೊದಿತಾ ಹಿ ತಾಚಿ ಸೊವೊಯ್ ಆಮ್ಕಾಂಯ್ ಆಜ್ ತಾಚಾಚ್ ಉತ್ರಾನಿಂ ಆಪೊಯ್ತಾ.
ಆಮಿಂ ಇಗರ್ಜೆಕ್ ಆಮ್ಚೆಂ ಪಾತ್ಯೆಣೆಂಚೆ ಜಿವಿತ್ ಸುಗಮಿತ್ ರಿತಿನ್ ಜಿಯೆಂವ್ಕ್ ಉಲೊ ದಿತಾನಾ ಮಿಸಾಂತ್ ವಾಂಟೊಘೆವ್ನ್ ಆಮಿಂ ಬೊರ್ಯಾ ಕ್ರಿಸ್ತಾಂವಾ ಬರಿಂ ಜಿಯೆವ್ಯೆತಾ..
ಆಮಿಂ ಜೆಜುಚೆ ಖರೆ ಶಿಸ್ ಆನಿ ತಾಣೆ ಶಿಕಯ್ಲ್ಯಾ ಶಿಸಾಂ ಬರಿಂ ಆಮಿಂ ಮಿಸಾಂತ್ ವೊಳ್ಕಾತಾಂವ್ ಆನಿಂ ದೆವಾಚಾ ಉತ್ರಾನಿ ಹೆಂ ಸತ್ ಸಮ್ಜೊಂಕ್ ಪ್ರಯತನ್ ಕರ್ತಾಂವ್.
ಜೆಜುನ್ ಸಮೆಸ್ತಾಂಕ್ ತಾಚಾ ಕಶ್ಚಾ ಮೊರ್ನಾ ವೊರ್ವಿ ಸುಟ್ಕಾ ಲಾಬಯ್ಲ್ಯಾ.
ಹ್ಯಾಚ್ ಸುಟ್ಕೆಚೆಂ ಸತ್ ಆಮಿಂ ಹರೆಕ್ಲೆ ಕ್ರಿಸ್ತಾಂವ್ ಇಗರ್ಜೆಚಾ ಸಾಮುಹಿಕ್ ಆರಾಧನಾ ನ್ ಆಮ್ಚೆಂ ಜಿವಿತ್ ಪಾತ್ಯೆಣೆಚಾ ಸಾಗೊರಾಂತ್ ಗುಂಡಾಯೆಂತ್ ದೊವ್ರುಂಕ್ ಪ್ರಯತನ್ ಕರ್ತಾಂವ್..
ಆಮ್ಕಾಂ ದೆವಾನ್ ಭಾವಾಡ್ತಾಚೊ ಶೆವೊಟ್ ದಾನ್ ಕರ್ನ್ ಆಮ್ಕಾಂ ತಾಚಾ ಭುರ್ಗ್ಯಾಂಚೊ ಮಾನ್ ದಿಲಾ
ಹೆಂ ಆಮ್ಚಾ ಕಾಮಾನಿಂ ನಂಯ್ ಬಗಾರ್ ತಾಚಾ ಅಗಣಿತ್ ಮೊಗಾಚಾ ಮಹಿಮೆನ್ ಹೆಂ ಸಂಭವ್ಲಾ..
ಆಯ್ಚೊ ವಾಂಜೆಲ್ ಆಮ್ಕಾ ಜೆಜುಚಾಚ್ ಉತ್ರಾಂನಿ ಹ್ಯಾ ಸಂಸಾರಾಚೊ ಅಖೆರ್ ಕಸೊ ಜಾತಾ ತಾಚಿ ವೊಳೊಕ್ ದಿತಾ.
ಪ್ರಾಕ್ರತಿ ಚೆ ಜಾಂವ್ಚಾ ಬದ್ಲೊಣೆಚೊ ಘುರ್ತ್ ದಾಕಯ್ತ ಜೆಜು ದೆವಾಚಾ ಮುನ್ಶಾ ಪುತಾಚಾ ಎಣ್ಯಾ ವಿಶೆಂತ್ ಶಿಕೊಣ್ ದೀವ್ನ್ ಸಾಂಗ್ತಾ ಆಮಿಂ ದೆವಾಚಾ ಹ್ಯಾ ದಾಕೊವ್ಣೆನ್ ಆಮ್ಚೆಂ ಜಿವಿತ್ ಜಿಯೆಜಯ್.
ಆಮಿಂ ಸಮೆಸ್ತಾನಿ ದೆವಾಚಾ ರಾಜ್ವೊಟೆಚೊ ಎಣ್ಯಾಚೊ ನೀಜ್ ಅರ್ಥ್ ಸಮ್ಜಾಜಯ್.
ಹೆಂ ಕೆಲ್ಲ್ಯಾನ್ ಆಮಿಂ ಆಮ್ಚಿ ಜಿಣಿ ದೆವಾಚಾ ಸಮ್ಜೊಣೆಂನಚ್ ಕರುಂಕ್ ಸಕ್ತಾಂವ್.
ಆಮಿಂ ಸದಾಂನೀತ್ ಜಾಗ್ರುತ್ ರಾವೊನ್ ದೆವಾಚಾ ಖುಶೆ ಪರ್ಮಾಣೆ ಚಲೊಂಕ್ ಆಮ್ಕಾಂ ಉಲೊ ದಿತಾ.
ದೆವಾನ್ ಆಮ್ಕಾಂ ತಾಚಾ ಸಾರ್ಕ್ಯಾ ರುಪಾರ್ ರಚುನ್ ತಾಚಿಂ ಭುರ್ಗಿಂ ಜಾಂವ್ಚೆ ಭಾಗ್ ದಿಲಾಂ.
ಹಿ ಕುರ್ಪಾ ಆಮಿಂ ಆದಾಂವ್ಚಾ ಪಾತ್ಕಾ ವೊರ್ವಿಂ ಹೊಗ್ಡಾಯ್ಲಿ ತಿ ತೊ ಆಮ್ಕಾಂ ಜೊಡ್ನ್ ದೀಂವ್ಕ್ ಮುನಿಸ್ ಜಾಲಾ.
ಹೆಂ ಸತ್ ಆಮಿಂ ಆದ್ವೆಂತಾಚಾ ಕಾಳಾರ್ ಪ್ರಯತನ್ ಕರ್ನ್ ತ್ಯಾ ಕುರ್ಪೆಚಾ ಸಾಗೊರಾಂತ್ ಉಪ್ಯೊಂಕ್ ಪೆಚಾಡ್ತಾನಾ ತಾಚೊ ಸ್ಪಿರಿತ್ ಆಮ್ಕಾಂ ಬೊಳ್ ದಿತಾ.
ಆಯ್ಚೊ ವಾಂಜೆಲ್ ಆಮ್ಕಾಂ ಸಂಸಾರಾಂತ್ ಘಡ್ಚಾ ಪ್ರಾಕ್ರತಿಕ್ ಬದ್ಲೊಣೆಚಾ ಘುರ್ತಾನ್ ಸಮ್ಜೊಂಕ್ ಪ್ರಯತನ್ ಕರ್ತಾ.
ಜೆಜುನ್ ಆಮ್ಕಾಂ ಹಿ ವೊಪಾರ್ ದೀವ್ನ್ ಸಾಂಗ್ಲಾಂ ಹೆಂ ಘಡ್ತಾನಾ ಆಮಿಂ ಆಮ್ಚೆಂ ಸಯ್ರಾಣ್ ಹೊಗ್ಡಾಯ್ನಾಸ್ತಾನಾ ತಾಚಾ ಮಜತೆಚೆರ್ ಪಾತ್ಯೆಜಯ್.
ತೊ ಆಮ್ಚೆ ಮೊದೆಂ ಸದಾಂ ಸರ್ವಾತಾಂ ಹಾಜಿರ್ ಆಸ್ತಾ ಆಮಿಂಚ್ ತಾಚಿ ಹಾಜಿರಿ ಸಮ್ಜಾನಾಸ್ತಾಂ ನಿರಾಸ್ ಜಾತಾಂವ್.
ತೊ ಮ್ಹುಣ್ತಾ ಹಾಂವ್ ಬಾಪಾಚಾ ಉಜ್ವಾಕ್ ಬೊಸೊನ್ ತುಮ್ಚಿ ವಾಟ್ ಪೊಳೊನ್ ಆಸಾಂ ತುಮಿಂ ಕೆದಾಳಾ ಮುಜೆ ಸರ್ಸಿಂ ಎತಾತ್ ಗೀ ಮುಣ್ ರಾಕೊನ್ ಆಸಾಂ..
ಜೆಜು ಮುಣ್ತಾ ತುಮಿ ನೀಟ್ ರಾವೊನ್ ರಾಕಾ ಆನಿ ಮುಜಿ ವಾಟ್ ತುಮ್ಕಾ ಖಂಡಿತ್ ದಿಸ್ತೆಲಿ.
ಆಮಿಂ ಜಾಗ್ರುತ್ಕಾಯೆನ್ ಜೆಜುಚೆ ಸಿಸ್ ಮುಣ್ತಚ್ ತೊ ಆಮ್ಕಾಂ ಕೆದಿಂಚ್ ಸಾಂಡಿನಾ ತೆ ಖಂಡಿತ್.
ಜೆಜು ಆಮ್ಚೊ ಖರೊ ಮೋಗ್ ಕರ್ತಾ.
ಆಮ್ಚಿಂ ಕಸಲಿಂಯ್ ಪಾತ್ಕಾಂ ತೊ ಭೊಗ್ಸುಂಕ್ ಸದಾಂಚ್ ತಯಾರ್ ಆಸ್ತಾ.
ಹರೆಕ್ ಆದ್ವೆಂತಾಚೊ ಕಾಳ್ ಆಮ್ಕಾಂ ಜೆಜು ಆಮ್ಚೆ ಸರ್ಸಿಂ ಆಯ್ಲಾ ಮುಣ್ ಕಳೊಂಕ್ ಎಕ್ ರುಜ್ವಾತ್ ಜಾವ್ನಾಸಾ.
ಜೆಜು ಆಮ್ಚಾ ಜಿವಿತಾಂತ್ ಪ್ರವೆಷ್ ಜಾಲಾ, ಆಮಿಂ ಆಮ್ಚಾ ಕಾಳ್ಜಾಚಿ ಬಾಗ್ಲಾಂ ಉಗ್ತಿಂ ದೊವ್ರುನ್ ತಾಕಾ ಪ್ರವೆಷ ಜಾಂವ್ಕ್ ಆಪೊಯ್ಜಯ್.
ಅಶೆಂ ಕರುಂಕ್ ಆಮ್ಚೆ ಮೊದೆಂ ಮೊಸ್ತ್ ಆಡ್ಕಳಿ ಆಸಾತ್.
ಯ್ಯಾ ಆಧುನಿಕ್ ಕಾಲಾರ್ ಸಕ್ಕಡ್ ಮ್ಹಾರೊಗ್ ಜಾಲಾ.
ಕಾಮಾ ಮೆಳಾನಾಂತ್.
ಮೆಳಲ್ಲ್ಯಾ ಕಾಮಾಂಕ್ ಶಾಸ್ವಿತ್ಕಾಯ್ ನಾಂ.
ಭುರ್ಗಿಂ ಬೊರೆಂ ಬೊರೆಂ ತಾಂಚಾ ಆಯ್ಸ್ ಪೊಯ್ಸ್ ಪೊಳೊನ್ ತೆಂ ಆಪ್ಣಾಂವ್ಕ್ ಅತ್ರೆಗ್ತಾನಾ ಆಮಿಂ ಅಸಾಹಾಯಕ್ ಜಾವ್ನ್ ಆಸ್ತಾನಾ ಆಮ್ಕಾಂ ತಾಳ್ನಿ ಎತಾ ತೆಂ ಖರೆಂಚ್.
ತವೊಳ್ ಜೆಜುಚಿ ತಾಕಿದ್ ಆಮ್ಕಾಂ ಜಾಗ್ರುತ್ಕಾಯ್ ದಿತಾ ಆನಿ ಪ್ರೊತ್ಸಾಹಿತ್ ಜಾಂವ್ಕ್ ಸಾಂಗ್ತಾ.
ವೊಯ್ ಆಯ್ಚಿ ಪರಿಸ್ಥಿತಿ ಹೆಂ ಕರುಂಕ್ ಆಮ್ಕಾಂ ಸೊಡಿನಾ.
ಪೂಣ್ ದೆವಾಚೊ ಪ್ರೆರಣಾಚೊ ಸ್ಪಿರಿತ್ ಆಮ್ಕಾಂ ಖಂಡಿತ್ ಕುರ್ಪೆಚೆಂ ಬೊಳ್ ದಿತಾ.
ತೆಂ ಆಮಿಂ ಆಪ್ಣಾಯಾಂ ಆನಿಂ ತಾಚಿ ಶಿಕೊಣ್ ಸಮ್ಜೊನ್ ಘೆಂವ್ಹ್ಯಾಂ.
ಆಧುನಿಕ್ ಕಾಲಾಚಿಂ ಸವಾಲಾಂ ಬಾರೀ ಆಕರ್ಸಿತ್.
ಆಮಿಂ ಪೊಳೆತಾಂವ್ ಸಾಮಾಜಿಕ್ ಸುವಾತ್ಯಾನಿ ವೊಡ್ಲಿಂ ವೊಡ್ಲಿಂ ವಿಗ್ಯಾಪನಾ ಹೆಂ ಪಾತಾಕ್ ಕರುಂಕ್ ಆಮ್ಕಾ ಆಕರ್ಸಿತ್ ಕರಯ್ತಾತ್.
ಹ್ಯಾ ಸಂಸಾರಾಂತ್ ಕಾಜಾರ್ ನಾಸ್ತಾನಾ ಭುರ್ಗಿಂ ಕರ್ನ್ ಘೆಂವ್ಕ್ ಪ್ರಯತನ್ ಚಲ್ತಾ.
ಎಕಾ ಆವೊಯ್ ಸಾಂಗಾತಾ ಭುರ್ಗೊ/ಭುರ್ಗೆಂ ರಾವ್ತಾ (ಸಿಂಗಲ್ ಪೆರೆಂಟ್)}
ಎಕಾ ಬಾಪಾಯ್ ಸಾಂಗಾತಾ ಬುರ್ಗೆಂ/ಭುರ್ಗೊ ರಾವ್ತಾ(ಸಿಂಗಲ್ ಪೆರೆಂಟ್)}
ಜಲ್ಮಾ ಪೊಯ್ಲೆಂ ಚ್ ಭುರ್ಗಾ ಚೆಂ ಮರಣ್ ಕರಯ್ತಾತ್
ಗರ್ಬ್ ಕಾಡೊಂಚೆ ಸಾಧಾರಣ್ ವಿಷಯ್ ಜಾಲಾಂ ಹೆಂ ಪಾತಾಕ್ ನಂಯ್ ಮುಣ್ ಮೊಸ್ತ್ ಸಮ್ಜಾತಾತ್.
ಪೂಣ್ ದೆವಾಚಾ ನಿಯಮಾ ವಿರೊಧ್ ವೆತಾನಾ ಅಂತಸ್ಕರ್ನಾಂತ್ ಮೊಸ್ತ್ ದ್ವಂಧ್ ಚಲ್ತಾನಾ ಜಿವನ್ ಸಮಸ್ಯಾ ಭರಿತ್ ಜಾತಾ.
ಸಮಾಧಾನ್ ಹೊಗ್ಡಾಯ್ತಾನಾ ಜಿವಿತ್ ಅರ್ಥಹೀನ್ ಮುಣ್ ದಿಸ್ತಾ.
ಅಸಲ್ಯಾ ಸಂದರ್ಭಾರ್ ಜೆಜು ಸಾಂಗ್ತಾ ಹಾಂವ್ ತುಮ್ಚೆ ಸಾಂಗಾತಾ ಸದಾಂಚ್ ಆಸಾಂ.
ಆದ್ವೆಂತಾಂತ್ ಹೆ ಸತ್ ಸಮ್ಚ್ಜೊನ್ ಆಮಿಂ ಜೆಜುಚಾ ಜಲ್ಮಾಚಿ ತಯಾರಾಯ್ ಕರುಂಕ್ ಸಕ್ತಾಂವ್.
ಆಮಿಂ ಕಿತ್ಲೆಶಾ ಲೊಕಾಚಿಂ ತಾಂಚಾ ಜಿವಿತಾಂತ್ ಜಾಲ್ಲಿಂ ಅದ್ಭುತ್ ಕಾರ್ಯಿಂ ತಿಂ ದೆವಾನ್ ತಾಂಕಾ ಪ್ರೆರಿತ್ ಕರುಂಕ್ ಕೆಲ್ಲಿಂ ಮುಣ್ ಸಮ್ಜಾಜಯ್.
ಹ್ಯಾ ಸಂಸಾರಾಂತ್ ಆಮಿಂ ಆಮ್ಚೆಥಂಯ್ ಘಡ್ಲೆಲಿಂ ದೆವಾಚಿಂ ಕಾಮಾ ಉಗ್ತ್ಯಾನ್ ಪಾಚಾರ್ನ್ ತಾಚೆಂ ರಾಜ್ ಸಂಸಾರಾರ್ ಚಲಾಶೆ ಕರ್ಯಾಂ
ಹಾಂವ್ ತುಮ್ಕಾಂ ಸಮೆಸ್ತಾಂಕ್ ಆದ್ವೆಂತಾಚಾ ಪೊಯ್ಲ್ಯಾ ಆಯ್ತಾರಾ ಆಪೊಣೆ ದಿತಾಂ ದೆವ್ ತುಮ್ಕಾಂ ಸದಾಂಚ್ ರಾಕೊಂದಿ.
ತುಮ್ಕಾಂ ಕುರ್ಪೆಭೊರಿತ್ ಆದ್ವೆಂತ್ ಮಾಗ್ಚೊ,
ತುಮ್ಚಾ ಮೊಗಾಚೊ,
ದೆಯ್ವಿಕ್ ಉಲ್ಯಾಚೊ ಬಾಪ್ ಜುಜೆ ವಾಸ್ ಎಸ್.ವಿ.ಡಿ
ಇಂದೊರ್/ಉಪ್ಪಿನಕೋಟೆ-ಬ್ರಹ್ಮಾವರ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ