ಕ್ರೀಸ್ತ್ ರಾಯಾಚಾ ಎಣ್ಯಾಚೊ ದುಸ್ರೊ ಆಯ್ತಾರ್ ವೊರ್ಸ್ C 2012 ವಿಷಯ್: ಪೊರ್ತೊಣೆಂಕ್ ಉಲೊ!!!!!
ಪೊಯ್ಲೆಂ ವಾಚಾಪ್ ಬಾರೂಕ್ ಪ್ರವಾದಿಚಾ ಫುಸ್ತಕಾಂತ್ಲೆಂ 5:1-9 ಪ್ರವಾದಿ ಉರೊನ್ ಆಸ್ಲೆಲ್ಯಾ ಜುದೆವಾಂಕ್ ಭರ್ವಾಸ್ಯಾಚ್ಯಾ ಕೀರ್ಣಾಂ ಥಂತ್ ಜಾಗಯ್ತಾ.
ದುಸ್ರೆಂ ವಾಚಾಪ್ ಫಿಲಿಪ್ಗಾರಾಂಚೆ ಪತ್ರ್ 1-4-6, 8-11 ಪಾತ್ಕಾಂಚಾ ಭೊಗ್ಸಾಣ್ಯಾಂ ಖಾತಿರ್ ದೆವಾಕ್ ಅರ್ಗಾಂ.
ಸಾಂ ಲುಕಾಚಾ ವಾಂಜೆಲಾಂತ್ಲೊ 3:1-6 ಜುವಾಂವ್ ಬಾವ್ತಿಸ್ತ್ ಜೆಜುಚ್ಯಾ ಎಣ್ಯಾಂಕ್ ರಾಕೊಂಕ್ ಸಾಂಗ್ತಾ.
ಸಾಂ ಜುಂವಾಂವ್ ಬಾವ್ತಿಸ್ತ್ ಆಯ್ಲೊ ಜೆಜು ಖಾತಿರ್ ತಾಚಿ ವಾಟ್ ತಯಾರ್ ಕರುಂಕ್ ಮ್ಹುಳೆಂ ಸತ್ ಆಮ್ಕಾ ಆಯ್ಚಾ ದೆವಾಚಾ ಉತ್ರಾನಿಂ ಆಯ್ಕೊಂಕ್ ಮೆಳ್ತಾ.
538 ಕ್ರಿ. ಪೂರ್ವ್ ಇಸ್ವೆಂತ್ ಹೆಂ ಘಡೊಂಕ್ ಆಸಾ ಮ್ಹುಣ್ ಪ್ರವಾದ್ಯಾನಿ ಭವಿಶ್ಯವಾಣಿ ಕೆಲ್ಲಿ.
ಹೆಂ ದೆವಾಚಾ ಕಾರ್ಯಾಂಚೆ ಅಖೆರೆಚೆಂ ಕಾಮ್ ಜಾವ್ನಾಸ್ತ್ಲೆಲೆಂ ಮ್ಹುಣ್ ಪೊಯ್ಲೆಂಚ್ ಖಚಿತ್ ಕೆಲ್ಲೆಂ ಸತ್.
ಅಶೆಂ ಸಂಸಾರಾಂತ್ ಲೊಕಾಕ್ ತಾಂಚಾ ಪಾತ್ಕಾಂತ್ ಥಾವ್ನ್ ಸುಟ್ಕಾ ಮೆಳ್ಚೆಂ ಪೊಯ್ಲೆಂಚ್ ನಿರ್ಧಿಶ್ಟ್ ಜಾಲ್ಲೆಂ.
ಜುದೆವ್ ಲೊಕ್ ತಾಂಚಾ ಮಾಂಯ್ ಗಾಂವಾ ಥಾಂವ್ನ್ ಪೊಯ್ಸ್ ತಾಂಕಾ ಆಂಬುಡ್ನ್ ವೆಲ್ಲ್ಯಾ ಗಾಂವಾನಿ ದುಬ್ಳಿಕಾಯೆಂತ್ ಜಿಯೆತಾನಾಂ ತಾಂಕಾ ಎಕ್ ಭರ್ವಾಶ್ಯಾಂಚೆ ಕೀರ್ಣ್ ಜಾವ್ನ್ ದೆವಾಚೊ ಉಲೊ ಎತಾ.
ಪೊಯ್ಲ್ಯಾ ವಾಚ್ಪಾಂತ್ ಬಾರುಖ್ ಪ್ರವಾದಿ ಉರೊನ್ ಉರ್ಲೆಲ್ಯಾ ಜುದೆವಾಂಕ್ ಹಿ ಬೊರಿ ಖಬೊರ್ ದಿತಾ.
ಹೊ ಸಗ್ಳೊ 5 ಅದ್ಯಾಯ್ ಇಸಾಯಿಯಾ ಪ್ರವಾದಿಚಾ ಬುಕಾಂತ್ಲ್ಯಾ 51 ಆನಿ 61 ದೊನ್ ಅದ್ಯಾಂಯಾ ಚಿ ಖರಿ ರುಜ್ವಾತ್ ಜಾವ್ನಾಸಾ.
ಯಾ ಆಯ್ತಾರಾಚಾ ದುಸ್ರ್ಯಾ ವಾಚ್ಪಾಂತ್ ಸಾಂ ಪಾವ್ಲು ಫಿಲಿಪ್ ಗಾರಾಂಕ್ ಉದ್ದೆಸುನ್ ಬೊರೊನ್ ಸಾಂಗ್ತಾ ತಾಂಕಾ ಕಶೆಂ ದೆವಾಚಾ ಪುತಾನ್ ಸಾಲ್ವಾಸಾಂವಾಚೊ ಘುಟ್ ದಿಲೊ ಮ್ಹುಣ್.
ತಾಣಿ ಹರೆಕ್ಲ್ಯಾನಿ ಜೆಜುನ್ ಕೆಲ್ಲ್ಯಾ ಬರಿ ಎಕಾ ಮೆಕಾಚೊ ಮೋಗ್ ಕರ್ನ್ ತಾಚೆ ಶಿಸ್ ಮುಣ್ ದಾಕೊನ್ ದಿಜಯ್.
ಅಶೆಂ ಜೆಜುನ್ ತಾಂಚೆ ಖಾತಿರ್ ಕೆಲ್ಲ್ಯಾ ಬೊರ್ಯಾ ಕಾರ್ಯಾಂಚೊ ಪ್ರತಿ ಫೊಳ್ ಹಾಂತು ದಿಸೊನ್ ಎತೊಲೊ.
ಆಯ್ಚೊ ವಾಂಜೆಲ್ ಆಮ್ಕಾ ಪರಿಚಿತ್ ವಿಷಯ್.
ಕಿತ್ಲೆಶಾ ಸಿನೆಮಾಂನಿ ಆಮಿಂ ಸಾಂ ಜುಂವಾವ್ ಬಾವ್ತಿಸ್ತಾಕ್ ಪೊಳೆಲಾಂ.
ತಾಚಾ ಜಿವನಾಂಚಿ ವೊಳೊಕ್ ಆಮ್ಕಾಂ ದ್ರಶ್ಯ ರುಪಾರ್ ಜಾಲ್ಯಾ.
ತೊ ಎಕ್ ಕರ್ಕಸ್ ಮುನಿಸ್ ಶೆಂ ಆಮ್ಕಾಂ ಉಡಾಸಾಕ್ ಎತಾ.
ತಾಚಿ ಮುಸ್ತಾಯ್ಕಿ ಚಾಂಬ್ಡ್ಯಾಚಿ ಆನಿಂ ತಾಚೆಂ ಖಾಣ್ ಬಾರೀ ಸಾದೆಂ.
ಆಮಿಂ ಆಮ್ಚಾಚ್ ಪರಿಸರಾಂತ್ ಸಬಾರ್ ಕರ್ಕಸ್ ಸಾದುಂಕ್ ಪೊಳೆಲಾಂ ತೆ ಆಮ್ಕಾಂ ದೆವಾಥಂಯ್ ವೊಡುಂಕ್ ಪ್ರಯತನ್ ಕರ್ತಾತ್ ಶೆ ದಿಸ್ತಾತ್.
ಆಮಿಂ ಉಜಾಡ್ ಪ್ರದೆಶ್ ಗಾಂವಾಂಕ್ ಪೊಳೆಲಾಮ್.
ಸಕ್ಕಡ್ ಸುಕೊನ್ ನಾಸ್ ಜಾಂವ್ಚೆಂ ಆಮ್ಕಾಂ ದಿಸ್ತಾ, ಆನಿಂ ತೆಂ ಆಮ್ಚಾ ಮನಸ್ಥಲಾಚೆರ್ ಖಂಚೊನ್ ಉರ್ತಾ.
ಸಾಂ ಜುಂವಾಂವ್ ಬಾವ್ತಿಸ್ತ್ ತಸಲೊಚ್ ಎಕ್ ಪ್ರವಾದಿ.
ತೊ ಆಜ್ ಆಮ್ಕಾ ಸಮೆಸ್ತಾಂಕ್ ಜೆಜುಚಿ ವೊಳೊಕ್ ಕರ್ನ್ ದೀಂವ್ಕ್ ಆಯ್ಲಾ.
ಆಮಿಂ ಕಶೆಂ ಜೆಜುಚಾ ಎಣ್ಯಾಂಚೊ ಆಮ್ಚಾ ಜಿಣಿಂಯೆಂತ್ ಯೆವ್ಕಾರ್ ಮಾಗಾಜಯ್ ಮುಳೆಂ ತೊ ಆಮ್ಕಾಂ ಶಿಕಯ್ತಾ.
ತೊ ಆಮ್ಕಾಂ ಆಮ್ಚಾ ಜಿವಿತಾಂತ್ಲಿ ಹರ್ ಖೊಟಿಂ ಕಾಮಾಂ ಸಾಂಡುನ್ ಜೆಜುಚಾ ಬೊರ್ಯಾ ಶಿಕೊಣೆಂಚೊ ಆಮಿಂ ಪಾಟ್ಲಾವ್ ಕರಿಜಯ್ ಮುಣ್ ಆಮ್ಕಾಂ ಶಿಕಯ್ತಾ.
ಆಮ್ಕಾಂ ಆಮ್ಚಾ ಪಾತ್ಕಿ ಜಿಣಿಂಯೆತ್ಲೆಂ ಸುಟೊನ್ ಸತಾಚಾ ಜಿವಿತಾ ಕುಶಿನ್ ಘುಂವೊಂಕ್ ಸಾಂಗ್ತಾ.
ಸಾಂ ಲೂಕ್ ತಾಚಾ ವಾಂಜೆಲಾಂತ್ ಜುಂವಾಂವ್ ಬಾವ್ತಿಸ್ತಾ ಚೆಂ ಎಣೆಂ ಸಬಾರ್ ರಾಂಯಾಚಾ ನಾಂವಾನ್ ಪ್ರಮುಖತಾ ದೀಂವ್ಕ್ ಪ್ರಯತನ್ ಕರ್ತಾ.
ಏಯ್ತಿಹಾಸಿಕ್ ಕಾಲಾಚಿ ವೊಳೊಕ್ ತೊ ಆಮ್ಕಾಂ ದೀವ್ನ್ ಸಿಜಾರಿಯಾಚೊ ತಿಬೆರಿಯುಸ್ ರಾಯ್, ಪೊಂತುಸ್ ಪಿಲಾತುಸ್ ಹೆರೊದ್ ರಾಯ್, ಲಾಯ್ಸಿಯಸ್ ಟೆಟ್ರಾಕ್ ರಾಯ್ ಆಬಿಲಾನಾಚೊ ರಾಯ್ ಆದಿಚೆಂ ನಾಂವಾ ಸಾಂಗೊನ್ ತಾಂಕಾ ಇತಿಹಾಂಸಾಂತ್ ಜಾಗೊ ದಿತಾ..
ಹೆಂ ದೊನ್ ಜುದೆವಾಂಚೆ ಪ್ರದಾನ್ ಯಾಜಕ್ ಆನಾನಿಯಾಸ್ ಆನಿ ಕಾಯ್ಫಾಸಾಚಾ ಕಾಲಾರ್ ಜಾಲ್ಲೆಂ ಕಾರ್ಯ.
ಜಶೆಂ ಜುಂವಾಂವ್ನ್ ಲೊಕಾಕ್ ತಾಂಚಿ ಪಾತ್ಕಿ ಜಿಣಿ ಸಾಂಡುನ್ ಬೊರಿ ಜಿಣಿ ಆಪ್ಣಾಂವ್ಕ್ ಉಲೊದಿಲೊಗೀ ತಶೆಂಚ್ ಆಜ್ ಇಗರ್ಜ್ ಮಾತಾ ಆಮ್ಕಾಂಯ್ ಆಪೊನ್ ಸಾಂಗ್ತಾ ತುಮಿಂ ಪಾತ್ಕಾಂ ವೊಳ್ಕಾಯಾ.
ಜೆಜು ಆಮ್ಕಾಂ ಲಾಗಿಂ ಆಸಾ.
ತೊ ಆಮ್ಕಾಂ ಸಮ್ಜಾತಾ ಆನಿ ಆಮ್ಚಿ ಸಡ್ವೊಣ್ ಕರುಂಕ್ ಕೆದಾಳಾರೀ ತಯಾರ್ ರಾವ್ತಾ.
ಆಮಿಂ ತಾಚೆ ಶಿಸ್ ವೊಯ್ ಆನಿ ಹ್ಯಾ ಸಂಸಾರಾಂತ್ ಆಸ್ತಾನಾ ಜೆಜುಚಾ ಶಿಕೊಣೆಂಚೊ ಖರೊ ಅರ್ಥ್ ಸಮ್ಜೊನ್ ಸದಾಂ ತಾಚಾ ಬಾಪಾಚಿ ಖುಶಿ ಕರುಂಕ್ ಪೆಚಾಡಿಜಯ್.
ಆದ್ವೆಂತಾಚೊ ಕಾಲ್ ಜೆಜು ಚಾ ಎಣ್ಯಾಂ ಖಾರಿತ್ ಆಮ್ಚೆಂ ಜಿವಿತ್ ತಯಾರ್ ಕರ್ಚೊ ಕಾಲ್.
ಆಮಿಂ ಸದಾಂ ಆಮ್ಚೆಂ ಮಾಗ್ಣೆಂ ಆಮ್ಚೆಂ ಕಾಮ್ ಬೊರ್ಯಾ ಮೊನಾನ್ ಕರ್ನ್ ದೆವಾಚೆ ಖರೆ ಭಗ್ತ್ ಜಾವ್ನ್ ಜಿಯೆಜಯ್ \
ಹರೆಕ್ ವಿಶ್ವಾಸಿ ಕ್ರಿಸ್ತಾಂವ್ ಹೆಂ ಕರುಂಕ್ ಮುಕಾರ್ ಸರ್ತಾ.
ಎಯಾ ಹೆಂ ಆಮಿಂ ಸಮೆಸ್ತ್ ಮೆಳೊನ್ ಕರ್ಯಾಂ
ತುಮ್ಚಾ ಮೊಗಾಚೊ
ದೆಯ್ವಿಕ್ ಉಲ್ಯಾಚೊ
ಬಾಪ್ ಜುಜೆ ವಾಸ್ ಎಸ್.ವಿ.ಡಿ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ