mananchintan aitharachen: Chrome Web Store - Home

mananchintan aitharachen: Chrome Web Store - Home: Chrome Web Store - Home ಜೆಜುಚಾ ಕೂಡಿ ರಗ್ತಾ ಚೊ ಸಮಾರಂಭ್ (ಕೊರ್ಪುಸ್ ಕ್ರಿಸ್ತಿ ಚೆಂ ಫೆಸ್ತ)  10-06-12 ವಿಶಯ್: ಮೊಗಾಚೊ ಸಂಸ್ಕಾರ್. ಪೊಯ್ಲೆಂ ವಾಚಾಪ್: ಪಯೀ...

ಚೊವ್ದಾವೊ ಆಯ್ತಾರ್ ಸಾಮಾನ್ಯ ಕಾಲ್ B 08-07-12 ಆಯ್ಚೊ ವಿಷಯ್:ದೆವಾಚಾ ಉತ್ರಾಚಿ ಚೂಕ್ ಸಮ್ಜೊಣಿ.

ಚೊವ್ದಾವೊ ಆಯ್ತಾರ್ ಸಾಮಾನ್ಯ ಕಾಲ್ B 08-07-12 ಆಯ್ಚೊ ವಿಷಯ್:ದೆವಾಚಾ ಉತ್ರಾಚಿ ಚೂಕ್ ಸಮ್ಜೊಣಿ. ಎಜೆಕಿಯಲ್ ಪ್ರವಾದಿಚಾ ಪುಸ್ತಕಾಂತ್ಲೆಂ ಪೊಯ್ಲೆಂ ವಾಚಾಪ್:28b-2:2-5 ಅಸಿಮಿತ್ ಮೊಗಾಚೊ ದೇವ್. ಕೊರಿಂಥ್ ಗಾರಾಂಚಾ ಪತ್ರಾಂತ್ಲೆ ದುಸ್ರೆಂ ವಾಚಾಪ್ 12:7-10 ದೆವಾಚೊ ಅಸಿಮಿತ್ ಮೋಗ್ ಪಾವ್ಲು ತಾಚಾ ಕುಡಿಚಾ ಸಿಮಿತ್ ಫೊಡಾಫೊಡಿಂತ್ ತೊ ಸೊಸ್ತಾ.. ಮಾರ್ಕುಚಾ ವಾಂಜೆಲಾಂತ್ಲೊ 6:1b-6 ಸಿಸಾಂಚೆ ಮಿಸಾಂವ್. ಆಮ್ಚಾ ದೆಶಾಂತ್ ವಿವಿಧ್ ಥರಾಚೆ ಧರ್ಮ ಆಸಾತ್, ಸಮೆಸ್ತ್ ಲೋಕ್ ಸಾಂಗಾತಾ ಜಿಯೆತಾತ್. ಆಮ್ಚಾ ಲೊಕಾಕ್ ಎಕಾ ಮೆಕಾ ಸಾಂಗಾತಾ ಜಿಂಯೆವ್ಚೆಂ ಭಾಗ್ ಮೊಸ್ತ್ ತೆಂಪಾ ಥಾವ್ನ್ ಚಾಲು ಆಸಾ. ಆಮ್ವೊ ಲೋಕ್ ಹಿಂದು ಧರ್ಮ್ ಆಚರ್ಸಿತಾ. ಆಮ್ಚಾ ಹಿಂದುಸ್ಥಾನ್ನಾಂತ್ ಸಂಸಾರ್ರಾಚಿಂ ಸರ್ವ್ ಧರ್ಮಾಂ ಆಸಾತ್, ಜಶೆಂ ಹಿಂದು ಧರ್ಮ್, ಇಸ್ಲಾಂ ಧರ್ಮ್, ಬುದ್ದಿಸ್ಮ್ ಜೆಯ್ನಿಸ್ಮ್, ಸಿಕ್ಕಿಸ್ಮ್, ಜೆರೊಸ್ಟೊರ್ರಿಯನಿಸ್ಮ್, ಜಾಯನಿಜ್ಮ್, ಬಾಹಾಯಿಸ್ಮ್, ಕ್ರಿಸ್ತಾಂವ್ ಸಮೊಡ್ತ್ ಜುದೆಯಿಸ್ಮ್ ಆನಿ ಸಬಾರ್ ಸಮೊಡ್ತಿ ಆಸಾತ್. ಇತ್ಲಿಂ ಧರ್ಮಾಂ ಸಾಂಗಾತಾ ಸಾಂಗಾತಾ ಜಿಯೆತಾತ್, ಜಾಲ್ಯಾರೀ ಎಕಾಮೆಕಾಕ್ ಸಮ್ಜೊನ್ ಸಾಂಗಾತಾ ಜಿಯೆತಾನಾ ಘರ್ಶಣಾಂ ಮೊಸ್ತ್ ಜಾತಾತ್.. ನಾಂನಾಂ ಧರ್ಮಾಚಾ ಲೊಕಾಕ್ ಎಕಾ ದೆಶಾಂತ್ ಸಮಾದಾನೆನ್ ಜಿಂಯೆಂವ್ಕ್ ಆಮ್ಚಾ ಸಂವಿದಾನಾನ್ ಜಾಗೊ ದಿಲಾ.. ಸಂವಿದಾನ್ ಹೊ ಅಧಿಕಾರ್ ದಿತಾ ಜಾಲ್ಯಾರೀ ಮೊಸ್ತ್ ಪಾವ್ಟಿಂ ಧಾರ್ಮಿಕ್ ಲಡಾಯೊ ಜಾತೆ ಆಸ್ತಾತ್. ಬಹುಮತಾಚೆ ಲೊಕ್ ಭಿನ್ನಮತಿಚಾ ಧಾರ್ಮಿಕಾಂಚೆರ್ ಹಲ್ಲೆ ಕರ್ತೇ ಆಸ್ತಾತ್. ಹೆಂ ಸದಾಂ ಆಮ್ಚಾ ಮಾದ್ಯಮಾಂನಿ ಆಮಿಂ ವಾಚ್ತಾಂವ್. ಬಹುಮತಾಚೊ ಲೊಕ್ ಹೆಂ ಕರುಂಕ್ ಆಪ್ಲೊ ಅಧಿಕಾರ್ ಮ್ಹುಣ್ ಚಿಂತಾ. ಅಸಲಿಂ ಅನ್ವಾರಾಂ ಭಿನ್ನ್ ಮತಿಚಾ ಜಾಗ್ಯಾಂಚೆರ್, ಘರಾಂಚೆರ್ ಆನಿ ತಾಂಚಾ ಧಾರ್ಮಿಕ್ ಸ್ಥಾಂನಾಂಚೆರ್ ಸದಾಂಚಿ ಜಾಲ್ಯಾಂತ್. ಖಾಲಿ ತಾಂಚೆರ್ ಅನಾಹುತಾಂಚ್ ನಹಿಂ ಬಗಾರ್ ತಾಂಕಾ ತಾಂಚೆ ಧರ್ಮ್ ಬದ್ಲುಂಕ್ ದಬಾವ್ ಘಾಲ್ತಾತ್.. ತಾಂಚಿ ಧಾರ್ಮಿಕ್ ಜಾಗೆ ಧುಸ್ಪೊಟೊನ್ ಉಡಯ್ತಾತ್, ಲೊಕಾಕ್ ತಾಂಚಾ ಘರಾಂಥಾವ್ನ್ ಧಾಂವ್ಡಾಯ್ತಾತ್ ತಾಂಚೆರ್ ನಾನಾಂಥರಾಂಚಿ ಅನಾಹುತಾಂ ಕರ್ತಾತ್. ಹೊ ಅನ್ಯಾಯ್ ತಾಂಚೆರ್ ಕರ್ತಾನಾ ತಾಂಕಾ ನ್ಯಾಯ್ ದಿತೆಲೆ ಕೊಣೀಂ ನಾಂತ್.. ಆಮಿಂ ಕ್ರಿಸ್ತಾವಾಂನಿ ಅಸಲ್ಯಾ ಸಂದರ್ಬಾರ್ ಕಶೆಂ ಆಮ್ಚೊ ಶೆವೊಟ್ ಥಿರ್ ದೊವ್ರಿಜಯ್? ಆಮ್ಚೊ ಶೆವೊಟ್ ಥಿರ್ ದೊವ್ರುಂಕ್ ಜೆಜು ಕ್ರಿಸ್ತಾಚೊಚ್ ದ್ಯೆಯ್ ಆಮ್ಚೆ ಮುಕಾರ್ ದೊವ್ರುನ್ ಆಮಿಂ ನಿರಾಸ್ ಜಾಂವ್ಕ್ ನಜೊ. ಆಮ್ಕಾಂ ಆಮ್ಚಾ ಧಾರ್ಮಿಕ್ ಜಿವನಾಂಚಿ ಬುನ್ಯಾದ್ ಆಮ್ಚಾಚ್ ಕುಟ್ಮಾಂತ್ ಮೆಳ್ತಾ. ಆಮಿಂ ಕ್ರಿಸ್ತಾಂವ್ ಆಮಿಂ ಆಮ್ಚೆಂ ಜಿವನ್ ಕ್ರೀಸ್ತಾಚಾ ಶಿಕೊಣೆಂ ಪ್ರಕಾರ್ ಚಲಾಜಯ್ ಮುಣ್ ಆಮ್ಕಾಂ ಆಮ್ಚಿಂ ಆವೊಯ್ ಬಾಪೊಯ್ ಶಿಕತ್ಯಾತ್. ಆಮ್ಚಾ ಆವೊಯ್ ಬಾಪಾಯ್ಕ್ ಆಮ್ಚಾ ಗಾಂವಾಂತ್ ಲೊಕ್ ಮಾನ್ ದಿತಾ. ತಾಂಕಾ ಎಕ್ ವಿಶಿಶ್ಟ್ ಜಾಗೊ ಆಸ್ತಾ ದಕ್ಷಿಣ ಭಾರತಾಚಾ ಗಾಂವಾನಿ ಸಮೆಸ್ತ ಕ್ರಿಸ್ತಾಂವಾಂಕ್ ಎಕ್ ವಿಶಿಶ್ಟ್ ಸ್ಥಾಂನ್ ಆಸಾ. ಹೊ ಮಾನ್ ಕ್ರೀಸ್ತಾಂವಾಂಕ್ ಮುಂಬಯ್ ವರೆಗ್ ಮೆಳ್ತಾ. ಪೂಣ್ ಉತ್ತರ್ ಭಾರತಾಂತ್ ಕ್ರಿಸ್ತಾಂವಾಂಕ್ ಹೀನ್ ಭಾವನಾಂನ್ ಪೊಳೆತಾತ್. ಕ್ರೀಸ್ತಾಂವ್ ಮ್ಹುಳ್ಯಾರ್ ಮ್ಹಾರಾಂಚಾ ಜಾತಿಂಚೆ. ಸಮಾಜಿಂತ್ಲೊ ಕೀಳ್ ಲೊಕ್. ಅಶೆಂ ಚಿಂತುಂಕ್ ಕಾರಾಣ್ ಆಸಾ. ಉತ್ತರ್ ಭಾರತಾಂತ್, ಕ್ರೀಸ್ತಾಚಿ ಶಿಕೊಣ್ ಅಸಲ್ಯಾ ಲೊಕಾ ಮೊದೆಂ ವಿಸ್ತಾರ್ಲಿ ಖರಿ, ತಾಂಕಾ ಮಿಶೊನರಿನಿಂ ತಾಂಚೊ ಅಧಿಕಾರ್ ಹ್ಯಾ ಭಾರತಾಂತ್ ಮೆಳೊಂಕ್ ಮೊಸ್ತ್ ಪ್ರಯತನ್ ಕೆಲಾಂ. ಅಶೆಂ ಕರ್ತಾನಾ ಬಹುಮತಾಚೆ ಹಿಂದು ಕ್ರಿಸ್ತಾಂವಾಂಕ್ ಕೀಳ್ ಜಾತಿಚೆಚ್ ಮ್ಹುಣ್ ವೊಲಾಯ್ತಾತ್. ಹಾಚೊ ವಿರೊಧ ಕೊಣೆ ಕರ್ಚೊ? ಆತಾಂ ಆತಾಂ ಅನೇಕ್ ರಾಜನಿತಿಕ್ ಪಾರ್ಟ್ಯೊ ಧಾರ್ಮಿಕ್ ಜಾವ್ನ್ ಹೊ ದೇಶ್ ಕೇವಲ್ ತಾಂಚೊ ಮ್ಹುಣ್ ಚಿಂತಾತ್. ಅಶೆಂ ತೆ ಅಧಿಕಾರಾಂತ್ ಆಸ್ತಾನಾ ಕ್ರಿಸ್ತಾಂವಾ ವಿರೊಧ್ ನಿಯಮಾಂ ರಚುನ್ ಧರ್ಮ್ ಬದ್ಲುಂಚೆಂ ಎಕ್ ಅನ್ಯಾಯ್ ಮ್ಹುಣ್ ವೊಲಾಯ್ತಾತ್. ಹೊ ಅಧಿಕಾರ್ ಆಮ್ಕಾಂ ಆಮ್ಚೆಂ ಸಂವಿಧಾನ್ ಆಮ್ಚಾ ಮೂಳಭೂತ್ ಅಧಿಕಾರಾ ರುಪಾರ್ ದಿತಾ. ಜಾಲ್ಯಾರೀ ಸಭಾರ್ ಪಾವ್ಟಿಂ ಕ್ರಿಸ್ತಾಂವಾಂಕ್ ದುಸ್ರ್ಯಾ ಪಂಕ್ತಿಂಚಾ ನಾಗರಿಕಾಂ ಬರಿಂ ಜಿಯೆಜಯ್ ಪೊಡ್ತಾ. ತಾಂಕಾ ಮೆಳ್ಚ್ಯೊ ಸಹುಲತೊ ಮೆಳಾನಾಂತ್, ತಾಂಚಾಚ್ ಜಾತಿಂಚಾ ತಾಂಚಾಚ್ ಕುಟ್ಮಾಚಾ ದುಸ್ರ್ಯಾ ಸಾಂದ್ಯಾಂಕ್ ಹಿ ಸುವಿಧಾ ಮೆಳ್ತಾನಾಂ ಕ್ರಿಸ್ತಾಂವಾಕ್ ವಂಚಿತ್ ಕರ್ತಾತ್.. ಅಶೆಂ ಜಾತಾನಾ ಲೋಕ್ ಕಶೆಂ ಹಾಚೊ ವಿರೊಧ್ ಕರ್ತಾ, ಮೊಸ್ತ್ ಪಾವ್ಟಿಂ ಘರ್ಶಣಾಂ ಜಾತಾತ್. ಆತಾಂ ಆತಾಂ ಬಹುಮತಾಚಾನಿಂ ಅಸಲಿಂ ಸೆನಾಂ ರಚ್ಲ್ಯಾಂತ್ ತೀಂ ಇಸ್ಕಾಲಾನಿಂ, ಹೊಟೆಲಾನಿ ರಿಗೊನ್ ಅಸಹಾಯ್ ಲೊಕಾಚೆ ಜುಲುಮ್ ಚಲಯ್ತಾತ್. ಪೊರ್ತ್ಯಾನ್ ಹಾಚೊ ವಿರೊಧ್ ಆಮಿಂ ಜೆಜುಚಾಚ್ ಜಿವಿತಾಂತ್ ಪೊಳೊವೆತಾ. ತಾಣೆಂ ಆಪ್ಲೆಂ ಸಗ್ಳೆಂ ಜಿವನ್ ಬೊರೆಂ ಕರುಂಕ್ ಖರ್ಚಿಲೆಂ ಜಾಲ್ಯಾರೀ ತಾಕಾ ಖುರ್ಸಾರ್ ಮಾರ್ನ್ ತಾಕಾ ತಾಚಾ ಅಂದೊಲನಾ ಥಾಂವ್ನ್ ಮೆಕ್ಳೆಂ ಕೆಲೆಂ. ಆಮಿಂ ಜೆಜುಚೆ ಖರೆ ಶಿಸ್ ವೊಯ್ ಜಾಲ್ಯಾರ್ ಆಮ್ಕಾಂಯ್ ಹೊಚ್ ವಿರೊಧ ಪೊಳೊಂಕ್ ಮೆಳ್ತೊಲೊ ಮ್ಹುಣ್ ತಾಣೆಂಚ್ ಆಮ್ಕಾಂ ಸಾಂಗ್ಲಾ. ಗಾಂವಾಂತ್ ಹರೆಕ್ ಮುನಿಸ್ ಹರೆಕ್ಲ್ಯಾಕ್ ವೊಳ್ಕಾತಾ. ಗಾಂವ್ ಎಕಾ ಲ್ಹಾನ್ ಕುಟ್ಮಾಂ ಬರಿಂ. ಜೆಜುಚಾಚ್ ಕಾಲಾರ್ ತಾಚಾ ಶಿಕೊಣೆಂಕ್ ಲೊಕ್ ಪಾಳೊ ದಿಂವ್ಕ್ ಪೊಯ್ಲೆಂ ಹಾರಿಂ ಹಾರಿಂ ನಿ ಆಯ್ಲೊ, ಪೂಣ್ ಶಿಕ್ಪಿ ಲೊಕಾಚೊ ವಿರೊಧ ಜಾತೆಚ್ ಸಮೆಸ್ತ್ ಜೆಜುಕ್ ಸೊಡ್ನ್ ಗೆಲೆ. ಜೆಜುಚೊ ಸಂಬದ್ ಎಕ್ ಸಾಧಾರಣ್ ಆಚಾರ್ಯಾ ಚಾ ಕುಟ್ಮಾಂ ಮೊದೆಂ ಆಸ್ಲೆಲೆಂ. ಅಸಲೊ ಸಾಧಾರಣ್ ಆಚಾರಿ ಸಮಾಜೆಚೊ ಮುನಿಸ್ ಇತ್ಲೆಂ ಬುದ್ವೊಂತ್ ಶಿಕೊಣ್ ಕಶೆಂ ಶಿಕ್ಲೊ? ಹಿ ಪರಿಸ್ಥಿತಿ ಲೊಕಾಚಿ ಆಸ್ಲೆಲಿ.. ಜೆಜುಚಾ ಕಾಲಾಚೊ ಲೋಕ್ ಜುದೆವ್ ಧರ್ಮ್ ಪಾಳ್ತೆಲೆ. ಜುದೆವ್ ಲೋಕ್ ನಿಯಮಾಂಚೆರ್ ಚಲ್ಚೊ ಲೊಕ್. ಜೆಜು ನಿಯಮಾಂಕ್ ಎಕ್ ನೊಂವೆ ರೂಪ್ ದೀಂವ್ಕ್ ಸಕ್ಲೊ. ಹೆಂ ಸಮ್ಜೊಂಕ್ ಜುದೆವಾಂಕ್ ಕಸ್ಟ್ ಜಾಲೆ.. ಜೆಜುಕ್ ತಾಂಚಾ ಸಗೆಸಂಬದ್ಯಾಂನಿ ತಾಂಚಾ ಮೊದ್ಲೆಂ ಪೊಯ್ಸ್ ಕೆಲೆಂ. ಆಪ್ಲ್ಯಾಚ್ ಕುಟ್ಮಾಚಾಅ ಲೊಕಾ ಥಾವ್ನ್ ಪ್ರತಿಭಂದಿತ್ ಜಾತೆಚ್ ಜಾಲ್ಲಿ ಜೆಜುಚಿ ಅವಸ್ತಾ ಆಮಿಂ ಮೊತಿಂತ್ ಜಾಗಯಾಂ. ಪೊಯ್ಲ್ಯಾ ವಾಚ್ಪಾಂತ್ ಯೆಜೆಕಿಯೆಲ್ ಪ್ರೊಫೆತ್ ಇಸ್ರಾಯೆಲ್ ಲೊಕಾಮೊದೆಂ ದೆವಾಚೊ ಸಂದೆಶ್ ಹಾಡುಂಕ್ ನಿರ್ಮಿಲ್ಲೊ ಪ್ರವಾದಿ. ಇಸ್ರಾಯೆಲಿ ಪರ್ಜೆಚಾ ಕಠೊರ್ ಸ್ವಭಾವಾಚೆಂ ಖರೆಂ ರೂಪ್ ತೊ ದಾಕಯ್ತಾ.. ಇಸ್ರಾಯೆಲಿ ಲೊಕಾಚಾ ಅಸಲ್ಯಾ ಗುಣಾಂಕ್ ತೊ ದಾಕಯ್ತಾ ಜಾಲ್ಯಾರೀ ದೇವ್ ತ್ಯಾ ಕಠೊರ್ ಸ್ವಭಾವಾಚಾ ಲೊಕಾಕ್ ಸೊಡ್ನ್ ಘಾಲಿನಾಂ. ಪ್ರವಾದಿ ಸಾಂಗ್ತಾ ಅಸಲ್ಯಾ ಲೊಕಾಕ್ ಸೊದುನ್ ದೇವ ಪೊರ್ತ್ಯಾನ್ ಪೊರ್ತ್ಯಾನ್ ವೆತಾ. ದೇವ್ ಲೊಕಾಚೊ ಇತ್ಲೊ ಮೋಗ್ ಕರ್ತಾ ಪೊರ್ತ್ಯಾನ್ ಪೊರ್ತ್ಯಾನ್ ತಾಂಕಾ ಭೊಗ್ಸಿತಾ.. ದುಸ್ರ್ಯಾ ವಾಚ್ಪಾಂತ್ ಪಾವ್ಲು, ಕೊರಿಂಥ್ ಲೊಕಾಕ್ ತಾಚಾಚ್ ಜಿವನಾಂತ್ ಆಸ್ಚೆಂ ಏಕ್ ಬಾದಾಕ್ ಶಿಕೊಣೆಂಚೆ ನೀಬ್ ಜಾವ್ನ್ ದಾಕಯ್ತಾ. ಪಾವ್ಲುಕ್ ತಾಚೆಂ ಮಿಸಾಂವ್ ವ್ಯವಸ್ಥಿತ್ ರಿತಿನ್ ಕರ್ತಾನಾ ಹೆಂ ಬಾದಾಕ್ ತಾಕಾ ಸತಾಯ್ತಾಲೆಂ ಆಮ್ಕಾಂ ಮಿಶೊನರಿಂಕ್ ಮೊಸ್ತ್ ಪ್ರಕಾರಾಂಚಿ ಬಾದಕಾಂ ಎತಾತ್, ಸಮಾಜೆ ಥಾವ್ನ್, ರಾಜಕೀಯ್ ಲೊಕಾ ಥಾವ್ನ್, ಆಮ್ಚಾಚ್ ಕುಟ್ಮಾಚಾ ಲೊಕಾ ಥಾವ್ನ್. ಅಸಲ್ಯಾ ಅಡ್ಚಣ್ಯೊಂ ಆಮ್ಕಾಂ ಆಮ್ಚೆಂ ಮಿಸಾಂವ್ ಮುಕಾರುಂಕ್ ಬಾದಕ್ ಜಾತಾನಾ ದೆವಾಚಾ ಕುರ್ಪೆಚೆರ್ ಆಮಿಂ ಹೊಂದೊನ್ ರಾವಾಜಯ್.. ಆಮ್ಚೆಂ ಬಾದಕಚ ಆಮ್ಕಾಂ ಆಮ್ಚೆಂ ಹಾತೆರ್ ಜಾತಾ. ವಾಂಜೆಲಾಂತ್ ಜೆಜು ಆಪ್ಲ್ಯಾಚ್ ಜಿವನಾಂತ್ ಪೊಳೆತಾ ತಾಕಾ ತಾಚಾಚ್ ಕುಟ್ಮಾಚೊ ಲೋಕ್ ತಾಚಾ ಬುದ್ವೊಂತ್ಕಾಯೆಕ್ ಪಾತ್ಯೆನಾಂ.. ಸಕ್ಡಾಂಕ್ ಜೆಜುಚಿ ವೊಳೊಕ್ ಆಸ್ಲೆಲಿ. ಆತಾಂ ಹೊಚ್ ತಾಂಚೆ ಮೊದೆಂ ಎಕಾ ಪ್ರವಾದಿ ಬರಿಂ ಶಿಕೊಣ್ ದಿತಾ. ತೆ ಕಶೆಂ ಪಾತ್ಯೆತೆಲೆ? ಮೊಸ್ತ್ ವಿರೊಧ ಜಾಲೊ. ಜೆಜು ಅಚರ್ಯಾಂ ಕರಿತ್ತ್ ತಾಚಾ ಸಾಂಗಾತ್ಯಾಂ ಮೊದೆಂ ಆಸ್ಲೊಲೊ. ಹೊ ಕೋಣ್ ಜಾಯ್ತ್????? ಹೆಂ ಸವಾಲ್ ಸಮೆಸ್ತಾಂಕ್ ಸತೊಂಕ್ ಲಾಗ್ಲೆಂ. ತಾಚಿ ಜವಾಬ್ ತಾಂಕಾ ಸುಲಭಾಯೆನ್ ಮೆಳೊಂಕ್ ನಾಂ. ಹೆಂ ಕಶೆಂ ಹ್ಯಾ ಮುನ್ಶಾಂನ್ ಕರ್ಯೆತಾ, ಲೊಕ್ ಚಿಂತುಂಕ್ ಲಾಗ್ಲೊ ಹೊ ಪಿಸೊ ಜಾಲಾ ಮುಣ್.. ಮೊಸ್ತ್ ಲೊಕ್ ಜೆಜುಚೊ ಸಾಂಗಾತ್ ಸೊಡ್ನ್ ತಾಚಿ ಶಿಕೋಂಣ್ ಆಯ್ಕೊಂಕ್ ಎಂವ್ಕ್ ನಾಂತ್.. ಥೊಡ್ಯಾ ಜಣಾಂನಿ ಜೆಜುಕ್ ನೆಗಾರ್ ಕೆಲೆಂ. ಆಯ್ಚಾ ಹ್ಯಾ ಆಧುನಿಕ್ ಕಾಲಾರ್ ಅಸಲ್ಯಾ ಕ್ರಿಸ್ತಾಂವ್ ಧರ್ಮಾಕ್ ಪಾತ್ಯೆತ್ಲೆ ಪಿಶೆ ಮ್ಹುಣ್ತಾತ್. ಮೊಸ್ತ್ ಜಣ್ ದೇವ್ ನಾಂ ಆಮಿಂ ಆಮ್ಚಾಚ್ ವಿಕ್ಸಿತ್ ಸಮಾಜಿಚೆ ಲೊಕ್ ಮ್ಹುಣ್ತಾತ್.. ದೆವಾಚಿ ಆಮ್ಕಾಂ ಗರ್ಜ್ ನಾಂ ಮ್ಹುಣ್ತಾತ್. ಕಸಲಿಂಚ್ ನಿಯಮಾಂ ನಾಕಾಂ ಮುಣ್ತಾತ್.. ಧರ್ಮ ವಿಕಾಸಾಕ್ ಬಾದಕ್ ಮ್ಹುಣ್ ಸಾಂಗ್ತಾ ಆತಾಂಚೊ ಆಧುನಿಕ್ ಮುನಿಸ್. ಪೊಯ್ಶೆ ಆಸ್ಲ್ಯಾರ್ ಸಕ್ಕಡ್ ಜೊಡ್ಯೆತಾ ಮ್ಹುಣ್ ಚಿಂತಾ.. ಧರ್ಮ್ ನಾತ್ಲೆಲಿ ಸಮಾಜ್ ರಚುಂಕ್ ಚಿಂತಾ ಆತಾಂಚೊ ವಿಕ್ಸಿತ್ ಲೊಕ್ ಇತ್ಲೆಂ ಸಕ್ಕಡ್ ಕರ್ತೆಚ್ ಆನಿಂಕೀ ಲೊಕಾಚಾ ಜಿವನಾಂತ್ ಸಮಾಧಾನ್ ನಾಂ, ಎಕ್ವೊಟ್ ನಾಂ ಮೋಗ್ ನಾಂ. ಆಮಿಂ ಕಿರ್ಸ್ತಾಂವಾನಿಂ ಸಂವೆದಿತ್ ಜಾವ್ನ್ ಆಮ್ಚೊ ಭಾವಾಡ್ತ್ ಲೊಕಾ ಮುಕಾರ್ ದೊವ್ರಿಜಯ್ ಮ್ಹುಣ್ ಆಯ್ಚೊ ವಾಂಜೆಲ್ ಆಮ್ಕಾಂ ಸಾಂಗ್ತಾ.. ಆಮಿಂ ಕ್ರಿಸ್ತಾಂವಾನಿ ಆಮ್ಚಾಚ್ ಜಿವನಾಂನ್, ಪಾತ್ಕಾಂಚೆ ಭೊಗ್ಸಾಣೆಂ, ತ್ಯಾಗ್, ಸೆವಾ, ಖಾಲ್ತೆಂಪೋಣ್, ಮೋಗ್, ಸಹಯೊಗ್, ಸಂವೆದನ್ ಆದಿ ಗೂಣ್ ಲೊಕಾ ಥಂಯ್ ಹಾಡೊಂಕ್ ಪ್ರಯತನ್ ಕರಿಜಯ್.. ಆಯ್ಚೊ ಆಧುನಿಕ್ ಸಂವ್ಸಾರ್ ಆಮ್ಕಾಂ ಅಧಿಕಾರ್, ಧನದವ್ಲತ್, ಗರ್ವ್, ಆದಿ ಮೆಳೊಂಕ್ ಪ್ರಯ್ತ್ನ್ ಶೀಲ್ ಜಾವ್ನ್ ಆಸಾ. ಆಮಿಂ ಹಾಚೊ ವಿರೊಧ ಕರಿಜಯ್ ಕ್ರಿಸ್ತಾನ್ ದಿಲ್ಲ್ಯಾ ಇತ್ಲ್ಯಾ ಮೊಲಾದಿಕ್ ಸಾಕ್ರಾಮೆಂತಾಚಾ ಬೊಳಾನ್ ಆಮಿಂ ಲೊಕಾ ಮುಕಾರ್ ಹೊ ಶೆವೊಟ್ ದೊವೊರ್ತಾನಾ ತಾಚೊ ಪ್ರಭಾವ್ ಎತೊಲೊಚ್.. ಆಮ್ಚೆಂ ಕರ್ತವ್ಯ್ ಸಮ್ಜೊನ್ ಆಮಿಂ ಆಮ್ಮೆಂ ಮಿಸಾಂವ್ ಮುಕಾರ್ಸುನ್ ಹೊರಿಜಯ್.. ಆಮ್ಚೆರ್ ಮೊಸ್ತ್ ತಾಳ್ನ್ಯೊಂ ಎಂವ್ಕ್ ಸಾದ್ಯ್ ಆಸಾ. ಜಾಲ್ಯಾರೀ ಆಮಿಂ ನಿರಾಸ್ ಜಾಯ್ನಾಸ್ತಾಂ ದೆವಾಚೆರ್ ಪಾತ್ಯೆಣಿಂ ದೊವ್ರುನ್ ಮುಕಾರ್ ಸರಾಜಯ್. ತುಮ್ಕಾಂ ದೆವಾಚೊ ಎಕ್ ಬೊರೊ ದೀಸ್ ಮಾಗ್ತಾಂ ತುಮ್ಚಾ ಮೊಗಾಚೊ, ದೆಯ್ವಿಕ್ ಸೊಬ್ದಾಚೊ ಸಾಂದೊ ಬಾಪ್ ಜುಜೆ ವಾಸ್ ಎಸ್.ವಿ.ಡಿ.

mananchintan aitharachen: Chrome Web Store - Home

mananchintan aitharachen: Chrome Web Store - Home: Chrome Web Store - Home ಜೆಜುಚಾ ಕೂಡಿ ರಗ್ತಾ ಚೊ ಸಮಾರಂಭ್ (ಕೊರ್ಪುಸ್ ಕ್ರಿಸ್ತಿ ಚೆಂ ಫೆಸ್ತ)  10-06-12 ವಿಶಯ್: ಮೊಗಾಚೊ ಸಂಸ್ಕಾರ್. ಪೊಯ್ಲೆಂ ವಾಚಾಪ್: ಪಯೀ...

Chrome Web Store - Home

Chrome Web Store - Home

ಜೆಜುಚಾ ಕೂಡಿ ರಗ್ತಾ ಚೊ ಸಮಾರಂಭ್ (ಕೊರ್ಪುಸ್ ಕ್ರಿಸ್ತಿ ಚೆಂ ಫೆಸ್ತ)  10-06-12
ವಿಶಯ್: ಮೊಗಾಚೊ ಸಂಸ್ಕಾರ್.
ಪೊಯ್ಲೆಂ ವಾಚಾಪ್: ಪಯೀಣ್ 24:3-8 ದೆವಾ ಆನಿಂ ತಾಚಾ ವಿಂಚ್ಲೆಲ್ಯಾ ಪರ್ಜೆ ಮೊದ್ಲೊ ಸಂಭಂದ್ ಥಿರ್ ಜಾತಾ.
ದುಸ್ರೆಂ ವಾಚಾಪ ಹೆಬ್ರೆವಾಂಕ್ ಬೊರಯ್ಲ್ಯಾ ಪತ್ರಾಂತ್ಲೆ 9:11-15 ಜೆಜು ಬೋವ್ ಪವಿತ್ರ್ ಸ್ಥಾನಾಂತ್ ಪ್ರವೇಶ್ ಕರ್ತಾ.
ಮಾರ್ಕುಚೊ ವಾಂಜೆಲ್ 14:12-16, 22-26 ಪಾಸ್ಕಾಂಚೆ ಜೆವಾಣ್,ಸೊಮಿಯಾಚೆಂ ಜೆವಾಣ್.
ಜೆಜುಚಾ ಕುಡಿ ರಗ್ತಾಚೆಂ ಫೆಸ್ತ್ ಇಗರ್ಜಮಾತೆಚೆ ಸರಾಗ್ ಜಾಂವ್ಚಾ ಖೊಡೀಂಚೊ ವಿರೊಧ ಕರುಂಕ್ ಸುರು ಕೆಲ್ಲೆಂ
ಹೆರೆಜಿ ಜೆಜು ಕುಡಿ ರಗ್ತಾ ಮಾಸಾ ಸಾಂಗಾತಾ ಪವಿತ್ರ್ ಸಾಕ್ರಾಮೆಂತಾಂತ್ ಹಾಜರ್ ನಾಂ ಮ್ಹುಣ್ ಚೂಕ್ ಶಿಕೊಣ್ ದಿತೆ ಆಸ್ಲೆಲೆ.
ಜೆಜು ಖರೊಚ್ ಕುಡಿ ರಗ್ತಾ ಮಾಸಾ ಸಾಂಗಾತಾ ಹರೆಕಾ ಪಾಡ್ತಿಕಲಾಂತ್ ಜೆದ್ನಾಂ ತೆಂ ಜೆಜುಚಾ ಪವಿತ್ರ್ ಸಾಕ್ರಾಮೆಂತಾತ್ ಬದ್ಲಾತಾ ಯಾಜಕಾಚಾ ಉತ್ರಾನಿ ಹ್ಯಾ ಹೊಸ್ತುಕ್ ಜೆಜುಚೆಂಚ್ ಜಿವನ್ ಲಾಬ್ತಾ.
ಇಗರ್ಜ್ ಮಾತೆಚಾ ಶಿಕೊಂಚಾ ಬುಕಾನಿಂ ಹಾಚೆಂ ಮಹತ್ವ್ ಸಮ್ಜಯ್ಲಾಂ.
“ಪವಿತ್ರ್ ಸಾಕ್ರಾಮೆಂತಾಂತ್, ಜೆಜು ಕುಡಿ ರಗ್ತಾಮಾಸಾಸೊವೆಂ  ಆಸಾ. ಜೆಜು ಕುಡಿ ಅತ್ಮ್ಯಾಂಸೊವೆಂ, ತಾಚಾ ದೆಯ್ವಿಕ್ ಪೊದ್ವೆನ್ ಥಂಯ್ ಉಪಸ್ಥಿತ್ ಆಸಾ.ಅಶೆಂ,ತಾಂತು ತೊ ಖರೊಚ್ ದೇವ್ ಖರೊಚ್ ಮೊನಿಸ್ ಪುರ್ತೊ ಆಸಾ.
ಅಶೆಂ ಜೆಜು ದುಸ್ರ್ಯಾ ಖಂಚಾಯ್ ಥರಾನ್ ಉಪಸ್ಥಿತ್ ರಾವಾನಾ, ಹಿ ತಾಚಿ ವೊರ್ತಿ ಮಿಸ್ತೆರಾ ಭೊರಿತ್ ಆಸ್ಚಿ ಪರಿಸ್ಥಿತಿ.:  ಹೆಂ ತಾಚೆಂ ಪುರ್ತೆಂ ಅಸ್ಥಿತ್ವ್ ಅಶೆಂ ಜೆಜು ಕ್ರಿಸ್ತ ನೀಜ್ ದೆವ್ ಅನಿಂ ನೀಜ್ ಮ್ಹುನಿಸ್,ಅಶೆಂ ಜೆಜು ಅಮ್ಚೆ ಸಾಂಗಾತಾ ತಾಚಾ ಪರಿಪೂರ್ಣತಾಯೆನ್ ಆಸ್ತಾ."
1208 ಇಸ್ವೆಂತ್, ಭಾಗೆವೊಂತ್ ಜುಲಿಯಾನಾ ಕೊರ್ನೆಲಿಯಾ ಪರ್ವತಾಚಿ ಮ್ಹುಳ್ಯಾ ಸಾಂತಿಣೆನ್ ಎಕ್ ಅಧ್ಚುತ್ ದ್ರಶ್ಯ್ ದಿಸ್ಲೆಂ, ತಿಣೆ ಜೆಜುಚಾ ಉಪಸ್ಥಿತೆಚೆಂ ಎಕಿ ಫೆಸ್ತ ನಾ ಮ್ಹುಣ್ ತಿಕಾ ಭೊಗ್ಲೆಂ
ಆಮಿಂ ಹೆಂ ಫೆಸ್ತ್ ಸಾಮಾನ್ಯ್ ಥರಾನ್ ಪವಿತ್ರ್ ಬ್ರೆಸ್ತಾರಾ ದಿಸಾ ಆಚರ್ಸಿತಾಂವ್. ಜಾಲ್ಯಾರೀ ಇಗರ್ಜಮಾತಾ ಪೊರ್ತ್ಯಾನ್ ಹೆಂ ಫೆಸ್ತ್ ಆಮ್ಕಾಂ ಜೆಜುಚಾ ಇತ್ಲ್ಯಾ ಮೊಗಾನ್ ತಾಚಾಚ್ ರಕ್ತಾ, ಮಾಸಾ, ಕುಡಿ ಸಮೇತ್ ಆಮ್ಚೆ ಸೊವೆಂ ಪ್ರತ್ಯಕ್ಷ್ ಥರಾನ್ ರಾವೊಂಕ್ ಯೆಯ್ಲ್ಯಾಕ್ ಆರ್ಗಾಂ ದೀಂವ್ಕ್ ಹೆಂ ದಬಾಜೆಚೆಂ  ಫೆಸ್ತ್ ಆಚರ್ಸಿತಾಂವ್.
ಸಾಂತ್ ಪಾಪಾ ಉರ್ಬಾನ್ ಚೊವ್ತೊ ಮುಳ್ಯಾ ಸಾಂತಾನ್ ಹೆಂ ಫೆಸ್ತ್ 1264 ಅಧಿಕ್ರತ್ ಥರಾನ್ ಸಗ್ಳ್ಯಾ ಇಗರ್ಜಮಾನೆನ್ ಆಚರಿಜಯ್ ಮ್ಹುಣ್ ಕಳಯ್ಲೆಂ.
ಕ್ರಿಸ್ತಾಂವ್ ಸಮೊಡ್ತ್ ಚಡ್ ಆಸ್ಲೆಲ್ಯಾ ದೆಶಾನಿಂ ಹೆಂ ಫೆಸ್ತ ಪವಿತ್ರ್ ತ್ರಿಂದಾದಿ ಚೆಂ ಫೆಸ್ತ್ ಜಾಲ್ಲ್ಯಾ ಉಪ್ರಾಂತ್ ಎಂವ್ಚಾ ಬ್ರೆಸ್ತಾರಾ ಸಂಮಾರಂಬ್ತಾತ್.
ಆಮ್ಕಾಂ ಭಾರತಿಯ್ ಭಾವಾಡ್ತ್ಯಾಂಕ್ ಆಯ್ತಾರಾ ಮಿಸಾಕ್ ವೊಸೊಂಕ್ ಜಾಲ್ಲ್ಯಾನ್ ಆನಿಂ ಬ್ರೆಸ್ತಾರಾ ರಜಾ ನಾತ್ಲೆಲ್ಯಾನ್ ತ್ರಿಂದಾದಿ ಉಪ್ರಾಂತ್ಲ್ಯಾ ಆಯ್ತಾರಾ ಹೆಂ ಫೆಸ್ತ್ ಆಚರ್ಸಿತಾಂವ್.
ವಿದೆಶಾನಿ ಹ್ಯಾ ಫೆಸ್ತಾದಿಸಾ ಜೆಜುಚಾ ಕುಡಿ ರಗ್ತಾಚೊ ಪುರ್ಶಾಂವ್ ದಬಾಜಾನ್ ಕರ್ತಾತ್.
ಆಮ್ಚಾ ದೆಶಾಂತ್ ಹೊ ಪುರ್ಶಾಂವ್ ಆಮಿಂ ಕ್ರೀಸ್ತ್ ರಾಯಾಚಾ ಫೆಸ್ತಾ ದಿಸ್ತಾ ಕರ್ತಾಂವ್.
ಪೂಣ್ ಆತಾಂ ಹೆಂ ರಾವಯ್ಲಾಂ ಆತಂಕ್ ವಾದಿಚಾ ಆತಂಕಾಕ್ ಭಿಯೆವ್ನ್ ಪರ್ಘಟ್ ಥರಾನ್ ಹೊ ಪುರ್ಶಾಂವ್ ಆಮಿಂ ಕರಿನಾಂವ್, ಕೆಲ್ಯಾರೀ ಇಗರ್ಜೆ ವಠಾರಾಂತ್ ಸಾದ್ಯಾ ರಿತಿನ್ ಕರ್ತಾಂವ್.
ಜೆಜು ಆಮ್ಚೆ ಸಾಂಗಾತಾ ತಾಚಾ ಕುಡಿ ರಗ್ತಾ ಮಾಸಾ ಸಾಂಗಾತಾ ರಾವೊನ್ ಅಶೆಂ ಆಮ್ಚೆಂ ಜಿವನ್ ಮುಕಾರುಂಕ್ ಆಮ್ಕಾಂ ತಾಚಾ ಪ್ರತ್ಯಕ್ಷ್ ಉಪಸ್ಥಿತಿನ್ ಪ್ರೊತ್ಸಾಹನ್ ದಿತಾ.
ಆಧುನಿಕ್ ಕಾಲಾರ್ ಆಮಿಂ ಆರಾಧಾನಾಚಿ ಆಲ್ತಾರ್ ಆಮ್ಚಾ ಫಿರ್ಗಜಾನಿ ಉಬಾರ್ಲ್ಯಾ ಆನಿಂ ಮೊಸ್ತ್ ಲೊಕ್ ಜೆಜುಚೆಂ ಆರಾಧನ್ ಕರುಂ ಎತಾತ್ ತೆಂ ಪೊಳೊಂಕ್ ಬೊರೆಂ ಲಾಗ್ತಾ.
ಮಿಸಾಚಾ ಬಲಿದಾನಾಂತ್ ಹರೆಕಾ ಪಾವ್ಟಿಂ ಯಾಜಕ್ ಹಿ ಮುಜಿ ಕೂಡ್ ಆನಿಂ ಹೆಂ ಮುಜೆಂ ರಗಾತ್ ಮ್ಹುಣ್ತಾಂನಾ ಜಾಂವ್ಚಾ ಅಚರ್ಯಾಂಚೊ ಮಿಸ್ತೆರ್ ಆಮಿಂ ಹ್ಯಾ ಫೆಸ್ತಾಂತ್ ಪೊರ್ತ್ಯಾನ್ ಪರ್ಗಟ್ ರಿತಿನ್ ನಿಯಾಳ್ತಾಂವ್.
ಹ್ಯಾ ಕಾಲಾರ್ ಪವಿತ್ರ್ ಸಾಕ್ರಾಮೆಂತಾಚಿ ಭಕ್ತ್ ಚಡಲೆಲಿ ಪೊಳೆತಾನಾ ಆನಿ ಮೊಸ್ತ್ ಇಗರ್ಜಾನಿ ಸಾಕ್ರಾಮೆಂತಾಚಾ ಆರಾಧಾನಾಚೊ ಆಲ್ತಾರಿ ಆಸ್ತಾನಾ ಆಮ್ಕಾಂ ತಾಚೆರ್ ಆಸ್ಲೊಲೊ ಮಾನ ಆನಿ ಸಮ್ಮಾನ್ ಹೊಗ್ಳಿಕೆಕ್ ಫಾವೊ.
ಏಕ್ ತೇಂಪ್ ಆಸ್ಲೊಲೊ ಆಮಿಂ ತಾಬೆರ್ನಾಕ್ಲಾ ಮುಕ್ಲ್ಯಾನ್ ಪಾಶಾರ್ ಜಾತಾನಾ ಆಮಿಂ ದಿಂವ್ಚೊ ಮಾನ್ ಕಿತ್ಲೊ ವೊರ್ತೊ ಆಸ್ಲೊಲೊ ಆತಾಂ ಆಮಿಂ ತಸಲೊ ಮಾನ್ ದಿನಾಂವ್.
ಹಾಚೆ ವಿಶೆಂತ್ ಆಮಿಂ ಚಿಂತುನ್ ತೆಂ ಆಮ್ಚಾ ಜಿವನಾಂತ್ ಪೊರ್ತ್ಯಾನ್ ಹಾಡುಂಕ್ ಚಿಂತಿಜಯ್.
ಕಿತ್ಲೆಶಾ ಪಾವ್ಟಿಂ ಆಮಿಂ ಆಮ್ಚೊ ಗರ್ಜೊ ಮೊಂನಾಂತ್ ಘೆವ್ನ್ ಭಕ್ತಿಪೊಣಾನ್ ಆಲ್ತಾರಿ ಮುಕಾರ್ ಬೊಸೊನ್ ಆಮ್ಚೊ ಗರ್ಜೊ ಜೆಜು ಸಾಂಗಾನಾಗೀ?
ಆಮಿಂ ಜಾಣಾಂವ್ ಜೆಜುನ್ ತಾಚೆಂ ಹರೆಕ್ ಕಾಮ್ ಕರ್ಚಾ ಪೊಯ್ಲೆಂ ದೆವಾಬಾಪಾ ಆನಿ ಪೊವಿತ್ರ್ ಸ್ಪಿರಿತಾಚೊ ಆಧಾರ್ ಮಾಗ್ಲೊಲೊ ಕಿತ್ಲೆಶಾ ಸಂದರ್ಬಾರ್ ಆಮಿಂ ಪೊಳೆಲಾ.
ತಶೆಂಚ್ ಆಮ್ಚೆ ಮೊದ್ಲೆ ಥೊಡೆ ಜಣ್ ಇಗರ್ಜೆ ಮುಕ್ಲ್ಯಾನ್ ವೆತಾನಾ ತಕ್ಲಿ ಬಾಗಾವ್ನ್ ತಾಬೆರ್ನಾಕ್ಲಲಾಂತ್ ಆಸ್ಚಾ ಆಮ್ಚಾ ಸಡ್ವೊಣ್ದಾರಾಕ್ ಆಮ್ಚಾ ಜಿವನಾಚಾ ಗರ್ಜಾಂವಿಶೆಂತ್, ಆಮ್ಕಾಂ ಜಾಲ್ಲ್ಯಾ ಬೊರ್ಯಾಪೊಣಾವಿಶೆಂತ್ ಸಾಂಗೊನ್ ತ್ರಪ್ತಿ ಭೊಗಾನಾಂವಗೀ?
ಹಾಂವ್ ಲ್ಹಾನ್ ಆಸ್ತಾನಾ ಆಯ್ಕಾಲ್ಲಿ ಏಕ್ ಲ್ಹಾನ್ ಕಾಣಿ ಮಾಕಾಂ ಉಡಾಸ್ ಎತಾ.
ಎಕ್ಲೊ ಸದಾಂ ಇಗರ್ಜೆ ಮುಕ್ಲ್ಯಾನ್ ಪಾಶಾರ್ ಜಾತಾನಾ ತಕ್ಲಿ ಬಾಗಾವ್ನ್ ನಮ್ರತೆನ್ ಮ್ಹುಣ್ತಾಲೊ ಖಂಯ್. ಜೆಜು ಹಾಂವ್ ಆಯ್ಲಾ ತುಕಾ ಪೊಳೊಂಕ್
ಸದಾಂ ತಾಚೆಂ ಇತ್ಲೆಂಚ್ ಮಾಗ್ಣೆಂ.
ಅಶೆಂ ಮೊಸ್ತ್ ವೊರ್ಸಾಂ ವರೆಗ್ ಚಲ್ತಚ್ ರಾವ್ಲೆಂ
ಏಕ್ ದೀಸ್ ತೊ ಇಗರ್ಜೆ ಮುಕ್ಲ್ಯಾನ್ ಪಾಶಾರ್ ಜಾಂವ್ಕ್ ನಾಂ ಖಂಯ್,
ತೆ ದೆಸಾ ತ್ಯಾ ಇಗರ್ಜೆಚೊ ಪಾದ್ರಿ ಚಿಂತುಕ್ ಲಾಗ್ಲೊ ಖಂಯ್ ಕಿತೆಂ ಹೊ ಮ್ಹುನಿಸ್ ಆಜ್ ಎಂವ್ಕ್ ನಾಂ ಆನಿಂ ತಕ್ಲಿ ಬಾಗಾವ್ನ್ ಮೊಣೊಂಕ್ ನಾ ಹಾಂವ್ ಆಯ್ಲಾಂ ಮ್ಹುಣೊಂಕ್ ನಾ.
ತವೊಳ್ ತಾಚಾ ಮೊತಿಂತ್ ಆಯ್ಲೆಂ ಖಂಯ್ ಹಾಂವ್ ಪುಣಿ ವೊಸೊನ್ ತಾಚಾ ಘರಾ ಪೊಳೆತಾಂ ಮ್ಹುಣ್ ಕುಮ್ಗಾರ್ ಘೆವ್ನ್ ತಾಚಾ ಘರಾ ಪಾವ್ಲೊ ಖಂಯ್.
ಭಿತರ್ ರಿಗ್ತಾನಾ ಜೆಜುಚೊ ಆವಾಜ್ ತ್ಯಾ ಪಾದ್ರ್ಯಾಬಾನ್ ಆಯ್ಕಾಲೊ ಖಂತ್ ಪುತಾ ಹಾಂವ್ ಆಜ್ ತುಕಾ ಪೊಳೊಂಕ್ ಆಯ್ಲಾಂ....
ಹೊ ಏಕ್ ಧಾಕ್ಲೊ.
ಪೂಣ್ ಜೆಜು ಆಮ್ಕಾಂ ಕೆದಾಳಾರೀ ತಾಚಾ ಕುಡಿ ರಗ್ತಾ-ಮಾಸಾ ಸೊಂವೆ ಆಮ್ಚೆ ಸಾಂಗಾತಾ ಆಸಾ ಆಮಿಂ ಉಲಯ್ಲೆಂ ಆಯ್ಕಾತಾ,
ಹ್ಯಾಚ್ ಪಾತ್ಯೆಣೆನ್ ಆಮಿಂ ಆಯ್ಚಾ ಹ್ಯಾ ವೊರ್ತ್ಯಾ ಮಿಸ್ತೆ ರಾಂತ್ ವಾಂಟೊ ಘೆವ್ಯಾಂ
ಜೆಜು ತುಮ್ಕಾಂ ಸಮೆಸ್ತಾಂಕ್ ತಾಚಾ ಅಗಣಿತ್ ಕಾಕುಳ್ತಿಚಾ ಉಮಾಳ್ಯಾ ನ್ ಭೊರ್ಲೆಲ್ಯಾ ದಯೆನ್ ತುಮ್ಕಾಂ ತೊ ಪೊಸುಂದಿ.
ತುಮ್ಚಾ ಮೊಗಾಚೊ
ಬಾಪ್ ಜುಜೆ ವಾಸ್ ಎಸ್.ವಿ.ಡಿ.